Atyraýda janar-jaǵarmai quiý stansasyna qaraqshylyq shabýyldyń mán-jaiy jariialandy, dep habarlaidy QazAqparat.
«Sotqa deiingi tergeý barysynda belgili bolǵandai, er adamdar 9 qańtar kúni Datov kóshesiniń boiyndaǵa janarmai quiý stansasyn tonaýdy aldyn ala josparlaǵan. Qylmystyq top shet memlekette esepte turǵan Lada21101 kóligimen júrgen. Kúdiktiler iri somany iemdengen jaǵdaida shetel asyp ketýdi oilaǵan. Kólikte sheteldik nómirdiń bolýy jáne onyń Qazaqstanda esepte turmaýy tergeýdi qiyndata túsken. Alaida, videobaqylaý kameralarynyń arqasynda jedel qyzmetkerler tonaýshylardyń izine túsip, bir táýlik ishinde qolǵa túsirdi. Kóliktiń salonynan aqsha, travmatikalyq tapansha, betperdeler tabyldy. QR QK 192-baby 2-bóligi «Qaraqshylyq» boiynsha sotqa deiingi tergeý jumystary júrip jatyr», - dedi óńirlik Politsiia departamentiniń baspasóz qyzmetinen.
Eske salaiyq, Atyraýdaǵy S.Datov kóshesinde ornalasqan janarmai beketine 9 qańtar kúni tańǵy 05.40 shamasynda qaraqshylyq shabýyl jasalǵan edi. Janarmai beketine basa kóktep kirgen belgisiz ekeý kúsh qoldaný arqyly kúzetshi men kassirdi qorqytqan. Jalpy somasy 268 myń teńgeni alyp, oqiǵa ornynan boi tasalaǵan. Qylmys izi sýymai ashyldy. Oqiǵaǵa qatysty 1994 jáne 1995 jyldary týǵan eki kúdikti ustaldy.
