Belgili aqyn, qarymdy jýrnalist, daryndy pýblitsist Janarbek Áshimjan Ult basylymy – «Ana tili» gazetiniń bas redaktory qyzmetine taǵaiyndaldy, dep habarlaidy "Ult aqparat".
Janarbek Áshimjan 1976 jyly 1 sáýirde Almaty oblysy, Kegen aýdany, Jalańash aýylynda dúniege kelgen. 1999 jyly ál-Farabi atyndaǵy Qazaq ulttyq ýniversitetiniń jýrnalistika fakýltetin bitirgen. Alǵashqy týyndylary aýdandyq «Hantáńiri», oblystyq «Jetisý» basylymdarynda jaryq kórgen.1996 — 1999 jyldary qalalyq «Almaty aqshamy» gazetinde tilshi, 2000 jyly «Qazaqstan» jýrnalynda bólim redaktory qyzmetterin atqarǵan. 2000 — 2005 jyldary respýblikalyq «Jas Alash» gazetinde bólim meńgerýshisi, 2005 — 2008 jyldary respýblikalyq «Jas qazaq» ulttyq aptalyǵynda bas redaktordyń orynbasary bolyp qyzmet etken. 2008 jyldan beri Qazaqstan Jazýshylar odaǵyna qarasty «Juldyz», «Prostor», «Syn» jýrnaldary men «Qazaq ádebieti» gazetterin biriktirgen «Qalamger-Media» ortalyǵynyń direktory, Qazaqstan Jazýshylar odaǵy basqarmasy tóraǵasynyń orynbasary, sondai-aq "Qazaq ádebieti" basylymynyń bas redaktory bolǵan.2002 jylǵy Halyqaralyq «Shabyt» festivaliniń bas júldegeri. Túrkistan qalasynda ótken Ómirbai Sáýirbaevqa arnalǵan respýblikalyq jyr músháirasynyń I júldegeri, «Turan Álem Banki» uiymdastyrǵan respýblikalyq jyr báigesiniń, «Bir óleń — bir álem» atty halyqaralyq jyr músháirasynyń bas júldegeri.
ál-Farabi atyndaǵy QazUÝ rektorynyń «Jýrnalistikaǵa sińirgen eńbegi úshin» arnaiy medalimen marapattalǵan. 2009 jyly QR Úkimetiniń arnaiy jarlyǵymen memlekettik «Daryn» jastar syilyǵynyń laýreaty atanǵan. QR Prezidenti N.Nazarbaevtyń «Alǵys hatymen» marapattalǵan.
Óleńderi 2004 jyly «Ólke» baspasynan jaryq kórgen «Jas aqyndar antologiiasyna» engen. «Panda jylaǵan jaz» kitabynyń avtory.
Osy oraida, Ult portaly qabyrǵaly basylymnyń tizginin ustaǵan aqyndy erekshe yqylaspen quttyqtai otyryp, aldaǵy jumystaryna sáttilik tileidi.
