بەلگٸلٸ اقىن, قارىمدى جۋرناليست, دارىندى پۋبليتسيست جاناربەك ەشٸمجان ۇلت باسىلىمى – «انا تٸلٸ» گازەتٸنٸڭ باس رەداكتورى قىزمەتٸنە تاعايىندالدى, دەپ حابارلايدى "ۇلت اقپارات".
جاناربەك ەشٸمجان 1976 جىلى 1 سەۋٸردە الماتى وبلىسى, كەگەن اۋدانى, جالاڭاش اۋىلىندا دٷنيەگە كەلگەن. 1999 جىلى ەل-فارابي اتىنداعى قازاق ۇلتتىق ۋنيۆەرسيتەتٸنٸڭ جۋرناليستيكا فاكۋلتەتٸن بٸتٸرگەن. العاشقى تۋىندىلارى اۋداندىق «حانتەڭٸرٸ», وبلىستىق «جەتٸسۋ» باسىلىمدارىندا جارىق كٶرگەن.1996 — 1999 جىلدارى قالالىق «الماتى اقشامى» گازەتٸندە تٸلشٸ, 2000 جىلى «قازاقستان» جۋرنالىندا بٶلٸم رەداكتورى قىزمەتتەرٸن اتقارعان. 2000 — 2005 جىلدارى رەسپۋبليكالىق «جاس الاش» گازەتٸندە بٶلٸم مەڭگەرۋشٸسٸ, 2005 — 2008 جىلدارى رەسپۋبليكالىق «جاس قازاق» ۇلتتىق اپتالىعىندا باس رەداكتوردىڭ ورىنباسارى بولىپ قىزمەت ەتكەن. 2008 جىلدان بەرٸ قازاقستان جازۋشىلار وداعىنا قاراستى «جۇلدىز», «پروستور», «سىن» جۋرنالدارى مەن «قازاق ەدەبيەتٸ» گازەتتەرٸن بٸرٸكتٸرگەن «قالامگەر-مەديا» ورتالىعىنىڭ ديرەكتورى, قازاقستان جازۋشىلار وداعى باسقارماسى تٶراعاسىنىڭ ورىنباسارى, سونداي-اق "قازاق ەدەبيەتٸ" باسىلىمىنىڭ باس رەداكتورى بولعان.2002 جىلعى حالىقارالىق «شابىت» فەستيۆالٸنٸڭ باس جٷلدەگەرٸ. تٷركٸستان قالاسىندا ٶتكەن ٶمٸرباي سەۋٸرباەۆقا ارنالعان رەسپۋبليكالىق جىر مٷشەيراسىنىڭ I جٷلدەگەرٸ, «تۇران ەلەم بانكٸ» ۇيىمداستىرعان رەسپۋبليكالىق جىر بەيگەسٸنٸڭ, «بٸر ٶلەڭ — بٸر ەلەم» اتتى حالىقارالىق جىر مٷشەيراسىنىڭ باس جٷلدەگەرٸ.
ەل-فارابي اتىنداعى قازۇۋ رەكتورىنىڭ «جۋرناليستيكاعا سٸڭٸرگەن ەڭبەگٸ ٷشٸن» ارنايى مەدالٸمەن ماراپاتتالعان. 2009 جىلى قر ٷكٸمەتٸنٸڭ ارنايى جارلىعىمەن مەملەكەتتٸك «دارىن» جاستار سىيلىعىنىڭ لاۋرەاتى اتانعان. قر پرەزيدەنتٸ ن.نازارباەۆتىڭ «العىس حاتىمەن» ماراپاتتالعان.
ٶلەڭدەرٸ 2004 جىلى «ٶلكە» باسپاسىنان جارىق كٶرگەن «جاس اقىندار انتولوگيياسىنا» ەنگەن. «پاندا جىلاعان جاز» كٸتابىنىڭ اۆتورى.
وسى ورايدا, ۇلت پورتالى قابىرعالى باسىلىمنىڭ تٸزگٸنٸن ۇستاعان اقىندى ەرەكشە ىقىلاسپەن قۇتتىقتاي وتىرىپ, الداعى جۇمىستارىنا سەتتٸلٸك تٸلەيدٸ.
