QR Májilis depýtaty Janarbek Áshimjan Almatydaǵy metro beketteriniń ataýyn ózgertýdi qoldaidy, dep habarlaidy QazAqparat.
Depýtat, Qazaqstan Respýblikasy Parlamenti Májilisiniń áleýmettik-mádeni damý komitetiniń múshesi Janarbek Áshimjan Almatydaǵy metro beketteriniń ataýyn ózgertý jastardyń patriotizmin damytýǵa septigin tigizetinine senimdi.
«Bul - durys sheshim. Biz batyr, kórnekti jazýshy Baýyrjan Momyshulynyń esimin ulyqtaýymyz kerek. Áskeri oishyl jáne teoretik polkovnik Momyshulynyń esimi fashistik Germaniiany jeńýge úles qosqan Uly Otan soǵysynyń áskeri basshylarynyń qatarynda», - dedi májilis depýtaty.
Aqynnyń aitýynsha, ulttyq tarihi eposta Qazaqstannyń batyrlary jarqyn tulǵalar retinde berilgen. Sondyqtan ótken ǵasyrlarda beinesi óshpegen batyr Qarasai batyrdyń qurmetine beketke atyn berý ádil qadam bolar edi.
«Men Almatynyń batys qaqpasy Qarasai aýdanymen shektesetinin atap ótkim keledi, sondyqtan Qarasaidyń esimi metro stansasyna berilýi oryndy», - deidi halyq qalaýlysy Janarbek Áshimjan.
Aita keteiik, Dostyq beketi Abai dańǵyly men Momyshuly kóshesiniń qiylysynda salynyp jatyr. Onyń tehnikalyq iske qosylýy osy jyldyń sońyna josparlanǵan. «Zapadnyi» avtovokzal beketi Almaty oblysy Qarasai aýdanynyń shekarasynda salynady.
Belgilengen tártip boiynsha ákimdiktiń qaýlysy men Almaty qalasy máslihatynyń sheshimi Respýblikalyq onomastikalyq komissiiaǵa jiberiledi, onda túpkilikti sheshim qabyldanady.
