Foto: videodan skrinshot
Jańaózen qalasynda oqýshy qyzdardyń qatysýymen bolǵan eki tóbelesten keiin ata-analar ákimshilik jaýapqa tartyldy, dep habarlaidy Ult.kz Qaz365.kz-ke silteme jasap.
Vedomstvonyń málimetinshe, oqiǵa sabaqtan tys, keshki ýaqytta bolǵan.
– Atalǵan oqiǵaǵa bailanysty Mańǵystaý oblystyq bilim basqarmasynan arnaiy komissiia quryldy. Qazirgi ýaqytta Jańaózen qalalyq politsiia basqarmasy ákimshilik is qozǵady. Qazaqstan Respýblikasynyń Ákimshilik quqyq buzýshylyq týraly kodeksiniń 127-babyna sáikes, oqýshylardyń ata-analary ákimshilik jaýapkershilikke tartyldy, – dep habarlady ministrlik.
Sonymen qatar bul másele Jańaózen qalasy ákimdigi janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi komissiianyń otyrysynda qaralatyn bolady.
Eske salaiyq, 18 qazanda Jańaózende eki oqýshy qyzdyń arasynda tóbeles bolyp, onyń videosy áleýmettik jelide taraǵan edi. Politsiia dereginshe, aldymen bir qyz synyptasyn uryp-soqqan, keiin ekinshi tóbeleste ózi de jábirlenýshige ainalǵan. Barlyq qatysýshylar ata-analarymen birge politsiia bólimine jetkizildi, al ata-analarǵa 10 ailyq eseptik kórsetkish (36 920 teńge) kóleminde aiyppul salyndy.
