Bloger Azamat Sársenbaev áleýmettik jelide Jańaózendegi mekteptiń videosyn jariialady. Onyń aitýynsha, bilim ordasynyń jaǵdaiy múshkil, - dep habarlaidy Tengrinews.kz.
Video Jańaózendegi mekteptiń jertólesinde túsirilgen. Blogerdiń aitýynsha, mektep qirap, tirekteri alystap ketken, ǵimarat kez kelgen sátte qulaýy múmkin.
"Osy zańsyzdyq fonynda direktor qaida qarap júrgenin túsinbeimin, nege mekteptiń jaǵdaiy týraly bilim bólimine habarlamaǵan, ákim qaida qarap otyr?" - deidi ol.
Jańaózen qalalyq bilim bólimi Kendirli aýylynda ornalasqan №21 mektep 2011 jyly paidalanýǵa berilgenin habarlady. Ol 1200 orynǵa eseptelgen. 2022 jyly tolassyz jaýǵan jańbyr saldarynan sý basqan bilim mekemesiniń jertólesinde shuǵyl jumystar júrgizilgen.
"Qazirgi ýaqytta mekteptiń jertólesinde qurylys-tehnikalyq zertteýler júrgizilip jatyr, onyń nátijesi boiynsha sharalar qabyldanady. Mekteptiń tirek konstrýktiv elementteri qanaǵattanarlyq jaǵdaida bolǵandyqtan, qyzmetkerler men oqýshylardyń ómirine qaýip tónbeidi", - dedi bilim bólimi ókilderi.
