Jańaózen turǵyndarynyń sýreti, derekkóz: Lada.kz
Jańaózenniń jumyssyz turǵyndary ashtyq jariialady, dep habarlady lada.kz portaly.
Búgin, 3 mamyrda Jańaózen qalasynyń 15-ke jýyq jumyssyz turǵyny ákimdiktiń aldyna jinaldy.
"Jumysqa ornalastyrý problemasyn sheshýge áli kúnge deiin kómek kórsetpegendikten, biz ashtyq jariialaýdy kózdep otyrmyz", - deidi jinalǵandar.
Eske sala keteiik, buǵan deiin eńbek sharty men jalaqyǵa kóńili tolmaityn jańaózendikter birneshe ret narazylyq bildirgen.
10 sáýirde Jańaózen jumysshylary Astanada narazylyq aktsiiasyna shyqty. Olar Energetika ministrligi ǵimaratynyń janyna jinaldy. Ereýilshiler "Ózenmunaigaz" AQ-ǵa jumysqa alýdy talap etti.
Kelesi kúni narazylyq bildirgen munaishylar ustalyp, 12 sáýirde Jańaózenge qaitaryldy. Elordada kelissóz júrgizý úshin jumys komissiiasynyń quramyna engen 10 ókil qaldy.
