جاڭاٶزەن تۇرعىندارىنىڭ سۋرەتٸ, دەرەككٶز: Lada.kz
جاڭاٶزەننٸڭ جۇمىسسىز تۇرعىندارى اشتىق جارييالادى, دەپ حابارلادى lada.kz پورتالى.
بٷگٸن, 3 مامىردا جاڭاٶزەن قالاسىنىڭ 15-كە جۋىق جۇمىسسىز تۇرعىنى ەكٸمدٸكتٸڭ الدىنا جينالدى.
"جۇمىسقا ورنالاستىرۋ پروبلەماسىن شەشۋگە ەلٸ كٷنگە دەيٸن كٶمەك كٶرسەتپەگەندٸكتەن, بٸز اشتىق جارييالاۋدى كٶزدەپ وتىرمىز", - دەيدٸ جينالعاندار.
ەسكە سالا كەتەيٸك, بۇعان دەيٸن ەڭبەك شارتى مەن جالاقىعا كٶڭٸلٸ تولمايتىن جاڭاٶزەندٸكتەر بٸرنەشە رەت نارازىلىق بٸلدٸرگەن.
10 سەۋٸردە جاڭاٶزەن جۇمىسشىلارى استانادا نارازىلىق اكتسيياسىنا شىقتى. ولار ەنەرگەتيكا مينيسترلٸگٸ عيماراتىنىڭ جانىنا جينالدى. ەرەۋٸلشٸلەر "ٶزەنمۇنايگاز" اق-عا جۇمىسقا الۋدى تالاپ ەتتٸ.
كەلەسٸ كٷنٸ نارازىلىق بٸلدٸرگەن مۇنايشىلار ۇستالىپ, 12 سەۋٸردە جاڭاٶزەنگە قايتارىلدى. ەلوردادا كەلٸسسٶز جٷرگٸزۋ ٷشٸن جۇمىس كوميسسيياسىنىڭ قۇرامىنا ەنگەن 10 ٶكٸل قالدى.
