foto: freepik.com
Aldyn ala málimet boiynsha, eki er adam arasyndaǵy janjalǵa otbasylyq-turmystyq janjal sebep bolǵan. Kúdikti óz erkimen politsiiaǵa kelgen, dep habarlaidy Ult.kz Lada.kz-ke silteme jasap.
Qylmys 28 qańtarda bolǵan. Meditsinalyq mekemeniń dálizinde er adam dárigerge shabýyl jasap, pyshaqpen jaraqattaǵan.
Mańǵystaý oblystyq politsiia departamentiniń habarlaýynsha, aldyn ala anyqtalǵandai, janjal otbasylyq-turmystyq qatynastar negizinde týyndaǵan. Pyshaq jaraqaty saldarynan 29 jastaǵy er adam kóz jumdy.
Oqiǵadan keiin kúdikti Jańaózen qalalyq politsiia basqarmasyna óz erkimen kelip, jasaǵan isin moiyndaǵan.
Atalǵan derek boiynsha politsiia Qazaqstan Respýblikasy Qylmystyq kodeksiniń 99-babynyń 1-bóligi (adam óltirý) boiynsha qylmystyq is qozǵady.
Kúdikti ýaqytsha ustaý izoliatoryna qamaldy.
«Oqiǵanyń barlyq mán-jaiyn jan-jaqty, tolyq jáne obektivti túrde anyqtaýǵa baǵyttalǵan tergeý amaldary júrgizilýde», — dep habarlady Mańǵystaý oblysy PD.
Beiresmi málimetterge sáikes, shabýylǵa qyzǵanysh sebep bolýy múmkin.
