Foto: Polisia.kz
QR Ishki ister ministrligi zańsyz kóshi-qon arnalaryn joiý baǵytyndaǵy júieli jumysty jalǵastyryp jatyr, dep habarlaidy Ult.kz.
19 qańtar kúni kriminaldyq politsiia qyzmetkerleri júrgizgen jedel-tergeý is-sharalarynyń nátijesinde Mańǵystaý oblysynyń Jańaózen qalasynda zańsyz kóshi-qon arnasyn uiymdastyrǵan qylmystyq toptyń joly kesildi.
Tergeý barysynda ustalǵan adamdardyń taiaý shet memleketterdiń azamattaryna Qazaqstan Respýblikasynyń memlekettik shekarasyn zańsyz kesip ótýge kómekteskeni anyqtaldy. Olar kórsetken qyzmetteri úshin aqshalai syiaqy alyp otyrǵan.
Tintý sharalary kezinde kúdiktilerden 500-den astam notarialdyq senimhat, sheteldik tólqujattar, jalǵan qujattar, sondai-aq bailanys quraldary tárkilendi.
Atalǵan fakti boiynsha uiymdastyrýshylarǵa qatysty Qazaqstan Respýblikasynyń Qylmystyq kodeksindegi «Zańsyz kóshi-qondy uiymdastyrý» babyna sáikes sotqa deiingi tergeý bastaldy.
Ishki ister ministrligi kóshi-qon zańnamasyn buzýdyń kez kelgen faktisi jazasyz qalmaitynyn eskertedi. Zańsyz kóshi-qon arnalaryn anyqtaý jáne jolyn kesý boiynsha jumystar aldaǵy ýaqytta da jalǵasyn tabady.
Aita keteiik, Eńbek ministrligi 2030 jylǵa deiingi kóshi-qon saiasaty tujyrymdamasy jobasyn ázirledi.
