Biyl Jańaózende bir myń adam jumysqa ornalastyrylady. Bul týraly «QazMunaiGaz» UK» AQ basqarma tóraǵasy Maǵzum Myrzaǵaliev aitty, dep habarlaidy QazAqparat.
«Jumyssyzdyq deńgeiin tómendetý maqsatynda «QazMunaiGaz» kompaniiasy jergilikti atqarýshy organdarmen tyǵyz jumys istep, qoldaý kórsetip jatqanyn atap ótkim keledi. Osy jyly Jańaózende bir myń adamdy jumysqa ornalastyrý josparlanyp otyr. Onyń ishinde 682 adamdy «ÓzenMunaiGazdyń» qoldanystaǵy jumysyna ornalastyrý algoritmi boiynsha qamtysaq, al 318 adam merdigerlik uiymdarda qyzmet etetin bolady», - dedi kompaniia basshysy «2025 jylǵa deiin halyqtyń tabysyn arttyrý baǵdarlamasy» keshendi josparyn júzege asyrý jónindegi keńes barysynda.
Onyń atap ótýinshe, «ÓzenMunaiGaz» kompaniiasynyń biýdjetinde atalǵan adamdardy jumysqa ornalastyrýǵa qajetti qarajat kózdelgen.
«Jalpy, kompaniiamyz halyqtyń ál-aýqatyn arttyrýǵa baǵyttalǵan jobalardy, jumyssyzdyq deńgeiin tómendetýge arnalǵan sharalardy odan ary júzege asyra beredi», - dedi Maǵzum Myrzaǵaliev.
