بيىل جاڭاٶزەندە بٸر مىڭ ادام جۇمىسقا ورنالاستىرىلادى. بۇل تۋرالى «قازمۇنايگاز» ۇك» اق باسقارما تٶراعاسى ماعزۇم مىرزاعاليەۆ ايتتى, دەپ حابارلايدى قازاقپارات.
«جۇمىسسىزدىق دەڭگەيٸن تٶمەندەتۋ ماقساتىندا «قازمۇنايگاز» كومپانيياسى جەرگٸلٸكتٸ اتقارۋشى ورگاندارمەن تىعىز جۇمىس ٸستەپ, قولداۋ كٶرسەتٸپ جاتقانىن اتاپ ٶتكٸم كەلەدٸ. وسى جىلى جاڭاٶزەندە بٸر مىڭ ادامدى جۇمىسقا ورنالاستىرۋ جوسپارلانىپ وتىر. ونىڭ ٸشٸندە 682 ادامدى «ٶزەنمۇنايگازدىڭ» قولدانىستاعى جۇمىسىنا ورنالاستىرۋ الگوريتمٸ بويىنشا قامتىساق, ال 318 ادام مەردٸگەرلٸك ۇيىمداردا قىزمەت ەتەتٸن بولادى», - دەدٸ كومپانييا باسشىسى «2025 جىلعا دەيٸن حالىقتىڭ تابىسىن ارتتىرۋ باعدارلاماسى» كەشەندٸ جوسپارىن جٷزەگە اسىرۋ جٶنٸندەگٸ كەڭەس بارىسىندا.
ونىڭ اتاپ ٶتۋٸنشە, «ٶزەنمۇنايگاز» كومپانيياسىنىڭ بيۋدجەتٸندە اتالعان ادامداردى جۇمىسقا ورنالاستىرۋعا قاجەتتٸ قاراجات كٶزدەلگەن.
«جالپى, كومپانييامىز حالىقتىڭ ەل-اۋقاتىن ارتتىرۋعا باعىتتالعان جوبالاردى, جۇمىسسىزدىق دەڭگەيٸن تٶمەندەتۋگە ارنالعان شارالاردى ودان ارى جٷزەگە اسىرا بەرەدٸ», - دەدٸ ماعزۇم مىرزاعاليەۆ.
