© Sputnik / Aleksei Kýdenko
Jańaózende meshit órtenip, jetkinshek aýyr jaǵdaida aýrýhanaǵa tústi, dep habarlaidy Ult.kz Sputnik Qazaqstan-ǵa silteme jasap.
Oqiǵa 6 naýryz keshke bolǵan. Tótenshe jaǵdailar mamandarynyń aitýynsha meshittiń kilemi órtengen.
"Shańyraq yqsham aýdanynda keshke qalalyq meshitte órt boldy. 40 sharshy metr aýmaq janǵan. Órttiń neden shyqqany tekserilip jatyr", - deidi oblystyq tótenshe jaǵdailar departamenti.
Al órtten zardap shekken 11 jastaǵy jasóspirimniń jaǵdai aýyr deidi dárigerler.
"Bala termiialyq kúiik alǵan, bet-aýzy, moiny, joǵarǵy tynys alý joldary, jalpy denesiniń biraz bóligi kúiip qalǵan. Qazirgi ýaqytta balanyń jaǵdaiy aýyr. Qajetti em-sharalar jasalyp jatyr", - deidi Jańaózen qalalyq aýrýhanasynyń mamandary.
