Sýret ashyq derekkózden alyndy
Mańǵystaý oblysynda kelisimshart boiynsha áskeri qyzmetshi óz bólmesinde asylyp qalǵan. Máiitti áriptesi tapqan. Bul týraly Aqtaý garnizonynyń áskeri prokýrory Erlan Qutqoja málimdedi, - dep habarlaidy Tengrinews.kz agenttigi Lada.kz-ke silteme jasap.
Basylym málimetinshe, qaiǵyly oqiǵa QR Ulttyq ulanynyń 5548 áskeri bóliminiń Jańaózendegi jataqhanasynda bolǵan. 19 jastaǵy jigit óz bólmesinde belbeýine asylyp qalǵan.
"Marqum Ulttyq ulan qatarynda 2021 jyldan beri boldy. Aqtóbe oblysynan kelgen. Kelisimshart boiynsha maman-saper bolyp qyzmet etti. Ol úilenbegen. Týystaryna qaiǵyly jaǵdai habarlandy. Qazir barlyq jaǵdaidy anyqtap jatyrmyz", - dedi Aqtaý garnizonynyń áskeri prokýrory Erlan Qutqoja.
Eske salaiyq, buǵan deiin biyl qaza bolǵan sarbazdardyń jumbaqqa toly ólimi týraly material jariialanǵan bolatyn.
