سۋرەت اشىق دەرەككٶزدەن الىندى
ماڭعىستاۋ وبلىسىندا كەلٸسٸمشارت بويىنشا ەسكەري قىزمەتشٸ ٶز بٶلمەسٸندە اسىلىپ قالعان. مەيٸتتٸ ەرٸپتەسٸ تاپقان. بۇل تۋرالى اقتاۋ گارنيزونىنىڭ ەسكەري پروكۋرورى ەرلان قۇتقوجا مەلٸمدەدٸ, - دەپ حابارلايدى Tengrinews.kz اگەنتتٸگٸ Lada.kz-كە سٸلتەمە جاساپ.
باسىلىم مەلٸمەتٸنشە, قايعىلى وقيعا قر ۇلتتىق ۇلانىنىڭ 5548 ەسكەري بٶلٸمٸنٸڭ جاڭاٶزەندەگٸ جاتاقحاناسىندا بولعان. 19 جاستاعى جٸگٸت ٶز بٶلمەسٸندە بەلبەۋٸنە اسىلىپ قالعان.
"مارقۇم ۇلتتىق ۇلان قاتارىندا 2021 جىلدان بەرٸ بولدى. اقتٶبە وبلىسىنان كەلگەن. كەلٸسٸمشارت بويىنشا مامان-ساپەر بولىپ قىزمەت ەتتٸ. ول ٷيلەنبەگەن. تۋىستارىنا قايعىلى جاعداي حابارلاندى. قازٸر بارلىق جاعدايدى انىقتاپ جاتىرمىز", - دەدٸ اقتاۋ گارنيزونىنىڭ ەسكەري پروكۋرورى ەرلان قۇتقوجا.
ەسكە سالايىق, بۇعان دەيٸن بيىل قازا بولعان ساربازداردىڭ جۇمباققا تولى ٶلٸمٸ تۋرالى ماتەريال جارييالانعان بولاتىن.
