Jańaózende alaiaq turǵyndarǵa nesie aldyrmaq bolǵan, dep habarlaidy "Ult aqparat".
Qaskúnem ustaldy, ol tergeýde. Bul týraly Mańǵystaý oblystyq politsiia departamentiniń baspasóz qyzmeti habarlady.
«Jańaózen politsiia basqarmasyna bir áiel ótinish bildirip, Munaily aýdanynyń 25 jastaǵy turǵyny nesie alýǵa kómektesýge ýáde bergenin aitty. Qyzmet úshin ol 150 myń teńge surady» delingen habarlamada.
Degenmen alaiaq aram oiyn júzege asyryp, turǵynnan aqshany alǵannan keiin taiyp turǵan. Anyqtalǵandai alaiaq kelinshek, buǵan deiin 2019 jyldyń qazan aiynda Jańaózen qalasynyń 23 jastaǵy turǵynynan 150 myń teńge aqsha alǵan.
«Atalǵan fakti boiynsha QR QK 190-baby (Alaiaqtyq) boiynsha sotqa deiingi is júrgizý bastaldy. Ózge aqparat tergeý múddesinde jariia etilmeidi. Atalǵan qylmystyq ister boiynsha tergeý jalǵasýda jáne kinálilerge qatysty olardyń kinásiniń dárejesin anyqtaýmen túpkilikti sheshim olardyń nátijeleri boiynsha qabyldanatyn bolady», - delingen oblystyq politsiia departamentiniń baspasóz qyzmeti taratqan aqparatta.
