Jańaózen qalasynda qarýdan jaralanǵan er adam qalalyq aýrýhanaǵa jetkizildi, dep habarlaidy "Ult aqparat".
Zardap shekken er adam qaladan 150 shaqyrym qashyqtyqta tabylǵan. Bul týraly Mańǵystaý oblystyq densaýlyq saqtaý basqarmasynyń baspasóz qyzmeti habarlady.
Jaraly adam tabylǵany týraly habar 9 jeltoqsan kúni saǵat 10.49 shamasynda túsken.
«Shaqyrtý bergender ony jol-kólik apatynan jaralandy dep oilaǵan. Olar osylai dep habarlady. Dereý oblystyq jedel járdem brigadasy jiberildi. Dárigerler barǵan soń jol apaty emes ekenin jetkizdi. Zardap shekken er adamnyń oqtan jaralanyp, jatyp qalǵany belgili boldy», - dep habarlady basqarmadan.
1982 jyly týǵan azamatqa dárigerler «sýyq qarýdan jaýyryn tusynyń jaralanýy» diagnozyn qoidy. Ol qazir Jańaózen qalalyq kópbeiindi aýrýhanasynda emdelýde. Atalǵan derek boiynsha qylmystyq is qozǵalǵan.
