جاڭاٶزەن قالاسىندا قارۋدان جارالانعان ەر ادام قالالىق اۋرۋحاناعا جەتكٸزٸلدٸ, دەپ حابارلايدى "ۇلت اقپارات".
زارداپ شەككەن ەر ادام قالادان 150 شاقىرىم قاشىقتىقتا تابىلعان. بۇل تۋرالى ماڭعىستاۋ وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ حابارلادى.
جارالى ادام تابىلعانى تۋرالى حابار 9 جەلتوقسان كٷنٸ ساعات 10.49 شاماسىندا تٷسكەن.
«شاقىرتۋ بەرگەندەر ونى جول-كٶلٸك اپاتىنان جارالاندى دەپ ويلاعان. ولار وسىلاي دەپ حابارلادى. دەرەۋ وبلىستىق جەدەل جەردەم بريگاداسى جٸبەرٸلدٸ. دەرٸگەرلەر بارعان سوڭ جول اپاتى ەمەس ەكەنٸن جەتكٸزدٸ. زارداپ شەككەن ەر ادامنىڭ وقتان جارالانىپ, جاتىپ قالعانى بەلگٸلٸ بولدى», - دەپ حابارلادى باسقارمادان.
1982 جىلى تۋعان ازاماتقا دەرٸگەرلەر «سۋىق قارۋدان جاۋىرىن تۇسىنىڭ جارالانۋى» دياگنوزىن قويدى. ول قازٸر جاڭاٶزەن قالالىق كٶپبەيٸندٸ اۋرۋحاناسىندا ەمدەلۋدە. اتالعان دەرەك بويىنشا قىلمىستىق ٸس قوزعالعان.
