Foto: Lada.kz
Jańaózen qalasynyń ákimdigi ashtyq jariialaǵan jumyssyz qala turǵyndarynyń talabyn oryndai almaityndaryn málimdedi, dep habarlaidy Sputnik Qazaqstan.
"Jańaózen qalasynda arnaiy algoritm jumys isteidi, oǵan sáikes, jumyssyz turǵyndar jalpy kezekke sáikes munai salasyna jumysqa ornalasady. Buǵan deiin ashtyq jariialaǵan turǵyndar jalpy kezekti ainalyp ótip, munai-gaz salasyna jumysqa ornalasýdy talap etken bolatyn. Ákimdik ókilderi bul kezekte turǵan basqa adamdarǵa ádiletsiz bolatynyn aityp, kelispeitinin jetkizdi", - dep jazylǵan ákimdik taratqan habarlamada.
Qazirgi ýaqytta Jańaózende jumysqa ornalasýǵa, biliktilikti arttyrýǵa múmkindik beretin birqatar múmkindik bar. Aita ketý kerek, memlekettik baǵdarlamalar arqyly jumysqa ornalasqan azamattyń munai salasyna jumysqa ornalasý algoritmindegi tirkelgen kezegi saqtalady, dep málimdedi ákimdiktegiler.
"Qurmetti jerlester, biz sizderdiń kezeksiz, qabyldanǵan algoritmniń sharttaryn saqtamai munai-gaz salasyna jumysqa qabyldaý týraly talaptaryńyzdy oryndai almaimyz. Óitkeni bul óz kezegin kútip, ár túrli salada jumys istep júrgen qala turǵyndarynyń quqyqtaryna nuqsan keltiredi. Sondyqtan sizderdi aqylǵa kelýge shaqyramyz. Arandatýshylyqqa boi aldyrmańyzdar", - dep málimdedi Jańaózen qalasynyń ákimdigi.
Buǵan deiin habarlaǵandai, búgin Jańaózen qalasynyń 15-ke jýyq jumyssyz turǵyny ákimdiktiń aldynda jinaldy.
"Jumysqa ornalastyrý problemasyn sheshýge áli kúnge deiin kómek kórsetpegendikten, biz ashtyq jariialaýdy kózdep otyrmyz", - deidi jinalǵandar.
