Qyzylorda oblysy Jańaqorǵan aýdanynda qum arasynan eki esirtki alqaby tabyldy, dep habarlaidy "Ult aqparat".
Qyzylorda oblysy Politsiia departamenti jəne Jańaqorǵan aýdandyq politsiia bóliminiń qyzmetkerleri «Qarasora» jedel profilaktikalyq is-sharasyn júrgizdi. Onyń barysynda aýdanǵa qarasty Kelintóbe aýylynyń kún batys jaǵyndaǵy qum arasynan eki esirtki alqaby tabyldy.
Esirtki egýshiler eldiń kózinen tasa jerdegi «Qara oi» degen alqapty tańdaǵan. Onda 20 sotyq alqap arnaiy daiyndalǵan. Politseiler osy jerden erekshe isi bar jasyl tústi 5032 túp shópti tərkiledi.
«Oqiǵa ornynda úsh azamat ustaldy. Olardyń bireýi – Almaty qalasynyń, ekeýi Qyzylorda oblysynyń turǵyndary. Kúdiktiler Jańaqorǵan aýdandyq politsiia bóliminiń ýaqytsha ustaý abaqtysyna qamaldy. Bul derek boiynsha QR Qylmystyq kodeksiniń 300-babynyń 2-bóliginiń 3- tarmaǵymen sotqa deiingi tergep-tekserý amaldary júrgizilýde. Onda iri mólsherde ósirýge tyiym salynǵan ósimdikterdi egý nemese ósirý nemese soranyń, kóknərdiń nemese quramynda esirtki zattar bar basqa da ósimdikterdiń suryptaryn egip-ósirý jaǵdaiy kórsetilgen», - dep məlim etti Qyzylorda oblystyq politsiia departamentiniń baspasóz qyzmeti.
