Ishki ister ministriniń orynbasary Iýrii Ilin jańadan qurylǵan Tótenshe jaǵdailar ministrliginiń qurylymy týraly aityp berdi, dep habarlaidy QazAqparat.
«Memleket basshysy óz Joldaýynda Tótenshe jaǵdailar ministrligin qurýdy tapsyrdy. Bul vedomstvo 2014 jyly Ishki ister ministrligine qosylý arqyly taratylǵan bolatyn. Keshe Prezidenttiń Jarlyǵymen Tótenshe jaǵdailar ministrligi quryldy. TJM qurylymyna Tótenshe jaǵdailar komiteti qurylymdyq bólimshelerimen tolyqtai enetin bolady, sondai-aq Ónerkásiptik qaýipsizdik komiteti, Memlekettik materialdyq rezervter komiteti bólimsheleri jáne Ishki ister ministrligine budan buryn berilgen basqa da qyzmetter kiredi», - dedi Iu. Ilin Ortalyq kommýnikatsiialar qyzmetinde.
Onyń sózine qaraǵanda, eńbekaqy tóleý qoryn arttyrý, jańa qyzmetter sanatyn engizý máselesi bar.
«Sonymen qatar, memlekettik organdy qaita tirkeý boiynsha qajetti uiymdastyrý sharalary eskerilgen. Atalǵan somada bizde eńbekaqy tóleý qory boiynsha 233 mln teńgege jýyq ósim qarastyrylǵan», - dedi ministrdiń orynbasary.
