Qazaqstanda jańadan qurylǵan Qarjylyq monitoring agenttigine Janat Qaldybekuly Elimanov tóraǵa bolyp taǵaiyndaldy, dep habarlaidy "Ult aqparat".
Bul jóninde Memleket basshysy Qasym-Jomart Toqaevtyń tiisti Jarlyǵy shyqty.
Janat Qaldybekuly 1978 jyly 16 tamyzda Qaraǵandy qalasynda týǵan.
1999 jyly Evnei Bóketov atyndaǵy Qaraǵandy memlekettik ýniversitetin "Quqyqtaný" mamandyǵy boiynsha támamdady.
Eńbek jolyn 2000 jyly Qaraǵandy prokýratýrasy sot qaýlylary men atqarýshylyq óndiristiń zańdylyǵyn qadaǵalaý bólimi prokýrorynyń mindetin atqarýshy qyzmetinen bastady.
2000-2007 jyldar aralyǵynda Qaraǵandy oblysy men elorda prokýratýrasy organdarynda jumys istedi.
2007 jyldan 2017 jylǵa deiin ádilet jáne qarjy ministrliginde, ekonomikalyq jáne sybailas jemqorlyqqa qarsy kúres agenttigi qurylymynda túrli qyzmet atqardy.
2017-2019 jyldary Bas prokýratýranyń qurylymdyq bólimshelerinde basshylyq laýazymdarda boldy.
2019 jyldyń aqpany men sáýirinde – Qaraǵandy oblysy prokýrorynyń orynbasary.
2019 jyldyń sáýirinen 2020 jyldyń qańtaryna deiin qarjy ministrligi qarjylyq monitoring komiteti tóraǵasynyń orynbasary qyzmetin atqardy.
2020 jyldyń qańtarynda qarjy ministrligi qarjylyq monitoring komitetiniń tóraǵasy bolyp taǵaiyndaldy.
