Foto: Instagram.com
QR Týrizm jáne sport ministrligi áleýmettik jelilerde zańsyz utys oiyndaryn uiymdastyrý faktisine qatysty málimdeme jasady, dep habarlaidy Ult.kz.
Ministrliktiń baspasóz qyzmetiniń habarlaýynsha, Instagram-daǵy «Zhanabylov_e» jáne «elt6i» akkaýnttarynda ótken baǵaly syilyqtardy utysqa salý zań talaptaryna qaishy bolýy múmkin.
Ministrlik janyndaǵy Qumar oiyndar men lotereia qyzmetin retteý komitetine azamat S.-dan ótinish kelip túsken. Ol atalǵan blogerlerdiń áreketin «Lotereialar jáne lotereia qyzmeti týraly» zańǵa sáikestigin tekserýdi suraǵan.
Qazirgi ýaqytta azamat Janabylovqa Ákimshilik quqyqbuzýshylyq týraly kodekstiń 743-baby 1-bóligine sáikes túsinikteme berý qajettigi jóninde resmi habarlama joldandy. Onyń nátijesine qarai ákimshilik is qozǵaý máselesi qaralady.
Túsinikteme berilmegen jaǵdaida Komitet ÁQBtK-niń 445-1-baby 6-bóligi boiynsha is qozǵaidy. Bul bapqa sáikes:
-
jeke tulǵalarǵa – 100 AEK,
-
shaǵyn kásipkerlik sýbektilerine nemese kommertsiialyq emes uiymdarǵa – 300 AEK,
-
orta kásipkerlikke – 500 AEK,
-
iri kásipkerlik sýbektilerine – 1000 AEK kóleminde aiyppul salynady.
Eger azamat is júrgizý sharalaryna qatyspasa, ákimshilik is syrttai qaralady.
Ministrlik azamattarǵa resmi lotereia uiymdastyrýshylary bolyp tabylmaityn tulǵalardyń áleýmettik jelilerde ótkizetin túrli «givterine» jáne kúmándi utys oiyndaryna qatyspaýǵa keńes berdi. Mundai áreketter qarjylyq shyǵynǵa ákelip, alaiaqtyqtyń qurbany bolý qaýpin arttyrady.
