Shymkentte salyqtyq mindettemelerin oryndaǵan investordyń bank shottary tórt ai boiy buǵattaýda bolǵan. Zań boiynsha shekteýler bir jumys kúni ishinde alynýy tiis edi, dep habarlaidy ult.kz.
Qala prokýratýrasynyń málimetinshe, «White Fellow-Deer» JShS salyqtyq eseptiligin tapsyryp, mindettemelerin oryndaǵanymen, memlekettik kirister organy bank shottaryndaǵy shekteýlerdi tek tórt aidan keiin alyp tastaǵan.
Osy zańbuzýshylyqqa bailanysty tórt salyq qyzmetkeri ákimshilik jaýapkershilikke tartyldy. Olardyń birine 216 250 teńge aiyppul salyndy.
Prokýratýra investorlar men kásipkerlerdiń quqyqtaryn qorǵaý jáne olardyń jumysyna zańsyz kedergi keltirý faktileriniń aldyn alý sharalaryn jalǵastyratynyn málimdedi.
Ákimshilik kedergilerge tap bolǵan investorlar +7 (707) 615-00-10 telefony nemese 115 Call-ortalyǵy arqyly habarlasa alady.
