Bishkekte azamattardy Qazaqstannyń Kaspi bankinen shot ashýǵa úgittep, keiin olardy úshinshi tulǵalarǵa berýmen ainalysqan zańsyz shema áshkerelendi, dep habarlaidy ult.kz.
24.kg málimetinshe, qala politsiiasy iske qatysy bar 13 adamdy anyqtady. Olardyń arasynda segiz dropper, eki uiymdastyrýshy, eki tapsyrys berýshi jáne bir taksi júrgizýshisi bar.
Tergeý málimetinshe, ár adamǵa bank akkaýntyn ashyp, ózgelerge bergeni úshin 10 myń somnan (shamamen 51 myń teńge) tólengen. Al uiymdastyrýshylar tapsyrys berýshilerden syiaqy alyp otyrǵan.
Quqyq qorǵaý organdarynyń boljamynsha, akkaýnttar qylmystyq kiristerdi zańdastyrý jáne zańsyz aqsha aýdarymdary úshin paidalanylýy múmkin. Qazir istiń mán-jaiy anyqtalyp jatyr.
Politsiia azamattardy bank kartalary men shottaryn, sondai-aq mobildi qosymshalardyń qupiia derekterin aqsha úshin bógde adamdarǵa bermeýge shaqyrdy.
Buǵan deiin Aqtóbe oblysynyń politsiiasy stýdentterdiń 10 myń teńge úshin dropperlik shemalarǵa tartylyp jatqanyn eskertken bolatyn.
