Jańa jyldyq otshashý qorshaǵan ortaǵa ziian keltirmeidi. Bul týraly búgin Almaty TJD ótkizgen brifing barysynda «Qazsaliýt» JShS bas menedjeri Nurlan Qazbekov aitty, dep habarlaidy QazAqparat.
«Qorshaǵan ortaǵa qandai áser etýi múmkin? Pirrotehnikalyq buiymdar – himiia jáne onyń quramynda belsendi himiialyq elementter bar. Alaida, olardyń kólemi qaýipsiz. Otshashý bolǵanda paida bolatyn kók tús – mys, aq tús – strontsii. Olar aýaǵa atylǵanda túgel janyp ketedi de, qorshaǵan ortaǵa ziian keltirmeidi. Eń bastysy pirotehnikalyq buiymdar durys joiylǵany abzal», - dedi Qazbekov Nurlan.
Mamannyń aitýynsha, paidalanylǵan pirotehnikalyq buiymdardy atqan soń shashyp qaldyryp ketpei, olardy durys joiý kerek.
«Bul buiymdar Almaty oblysyndaǵy Qapshaǵai qalasynda ornalasqan arnaiy poligonda joiylady. Olardy joiýmen «Qazaqjarylysóndirisi» kompaniiasy ainalysady», - dedi Nurlan Qazbekov.
