Elbasy Nursultan Nazarbaev Jańa jylda respýblikalyq telearnalardyń efirinen qazaqstandyqtardy quttyqtamaidy.
2020 jyly Qazaqstan turǵyndaryn jańa sailanǵan Memleket basshysy Qasym-Jomart Toqaev quttyqtaidy. Ol Jańa jylda qazaqstandyqtarǵa izgi tilegin bildirip, jyldy qorytyndylaidy ári aldaǵy maqsattar týraly aitady.
Elbasynyń alǵashqy quttyqtaýy
Qazaqstannyń eks-prezidenti Nursultan Nazarbaev táýelsizdik jyldary el turǵyndaryn Jańa jyl merekesimen quttyqtap keldi. Tipti, arhiv materialdarynda Elbasynyń 1990 jyly 31 jeltoqsandaǵy quttyqtaýynyń mátini bar. Ol kezde Nazarbaev Qazaq SSR prezidenti, Qazaq SSR kommýnistik partiiasy ortalyq komitetiniń birinshi hatshysy qyzmetin atqarǵan.
Al 1991 jyly 31 jeltoqsanda táýelsiz Qazaqstannyń Tuńǵysh Prezidenti bylai dedi: "Egemendi elderdiń azat etilgenine bir jyl toldy. Sizder memlekettiń tolyq kúireýine jol bermeý úshin meniń qanshama kúsh-qairat jumsap, qandai ymyraǵa barǵanymdy bilesizder".
Nazarbaevtyń sońǵy quttyqtaýy
2018 jyly Elbasy Nursultan Nazarbaev qazaqstandyqtardy Jańa jyl merekesimen quttyqtap, eldi damytýǵa qosqan úlesi úshin turǵyndarǵa alǵysyn bildirdi.
Sondai-aq ol memlektette azamattardyń ál-aýqatyn kóterý úshin kólemdi sharalar qolǵa alynǵanyn, sot jáne quqyq qorǵaý júiesinde reforma bastalǵanyn atap ótken bolatyn.
"Elimizdi damytýǵa qosqan úlesterińiz úshin árqaisyńyzǵa alǵysymdy bildiremin", - degen bolatyn eks-prezident.
Elbasynyń quttyqtaýy qaida jazylady?
Qazaqstannyń eks-prezidenti Nursultan Nazarbaevtyń jańajyldyq quttyqtaýy Aqordadaǵy rezidentsiiasynda jazylǵan.
Nazarbaevtyń otstavkasy
2019 jyldyń 20 naýryzynda Nursultan Nazarbaev respýblikalyq telearnalardyń efirinen otstavkaǵa ketetinin málimdedi.
Alaida Nazarbaev Elbasy – Ult kóshbasshysy mártebesin, Qaýipsizdik keńesiniń, Nur Otan partiiasynyń tóraǵasy, Konstitýtsiialyq keńestiń múshesi qyzmetterin saqtap qaldy.
2019 jyldyń maýsymynda Qazaqstanda kezekten tys ótken prezident sailaýynda Qasym-Jomart Toqaev 70,96% daýys jinap, jeńiske jetti.
