QR Eńbek jáne halyqty áleýmettik qorǵaý ministri Birjan Nurymbetov jańa járdemaqyny alatyn otbasylardyń stýdent balalary bir mekenjaida tirkelýi mindetti emes ekenin aitty, dep habarlaidy "Ult aqparat".
«Ondai másele bolǵan, iaǵni zańnamada «birge turatyn balalar» degen túsinik boldy. Sondyqtan osydai máseleler týyndady. 2020 jylǵa deiin ýaqyt bar. Osy oraida tiisti sheshimdi qabyldadyq. Oqýyna bailanysty syrtta júrgen balalardyń barlyǵyn bir mekenjaida turady dep sanaimyz. Osy baǵatty tiisti normativtik-quqyqtyq aktiler jasalady», - dedi ministr Májiliste tilshiler saýalyna jaýap bere otyryp.
Budan buryn habarlanǵandai, 2020 jyldan bastap jańa járdemaqy 340 myńnan astam otbasyǵa taǵaiyndalady.
Osy oraida, atalǵan memlekettik járdemaqy 4 nemese odan da kóp kámeletke tolmaǵan nemese 23 jasqa deiingi kúndizgi bólimde oqityn stýdent balalary bar barlyq kópbalaly otbasylarǵa tabysyna qaramastan tólenedi dep josparlanýda.
