قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ جاڭا جەردەماقىنى الاتىن وتباسىلاردىڭ ستۋدەنت بالالارى بٸر مەكەنجايدا تٸركەلۋٸ مٸندەتتٸ ەمەس ەكەنٸن ايتتى, دەپ حابارلايدى "ۇلت اقپارات".
«ونداي مەسەلە بولعان, ياعني زاڭنامادا «بٸرگە تۇراتىن بالالار» دەگەن تٷسٸنٸك بولدى. سوندىقتان وسىداي مەسەلەلەر تۋىندادى. 2020 جىلعا دەيٸن ۋاقىت بار. وسى ورايدا تيٸستٸ شەشٸمدٸ قابىلدادىق. وقۋىنا بايلانىستى سىرتتا جٷرگەن بالالاردىڭ بارلىعىن بٸر مەكەنجايدا تۇرادى دەپ سانايمىز. وسى باعاتتى تيٸستٸ نورماتيۆتٸك-قۇقىقتىق اكتٸلەر جاسالادى», - دەدٸ مينيستر مەجٸلٸستە تٸلشٸلەر ساۋالىنا جاۋاپ بەرە وتىرىپ.
بۇدان بۇرىن حابارلانعانداي, 2020 جىلدان باستاپ جاڭا جەردەماقى 340 مىڭنان استام وتباسىعا تاعايىندالادى.
وسى ورايدا, اتالعان مەملەكەتتٸك جەردەماقى 4 نەمەسە ودان دا كٶپ كەمەلەتكە تولماعان نەمەسە 23 جاسقا دەيٸنگٸ كٷندٸزگٸ بٶلٸمدە وقيتىن ستۋدەنت بالالارى بار بارلىق كٶپبالالى وتباسىلارعا تابىسىنا قاراماستان تٶلەنەدٸ دەپ جوسپارلانۋدا.
