Qazaqstan Respýblikasy Aqparat jáne qoǵamdyq damý ministrliginiń qoldaýymen «ZEREN» respýblikalyq jastar bilim berýjobasy aiasyndajastardy kásipkerlik qyzmetke tartý tetikterin damytý men jetildirýdi talqylaý boiynsha «Jańa jaǵdaidaǵy jastar: is-qimyl kezeńi» taqyrybynda onlain dialog ótti.
Dialog alańyna QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin, QR Parlamenti Májilisiniń depýtaty, «Halyq Qaharmany» Baqytjan Ertaev,
QR Ulttyq Kásipkerler palatasy Basqarma tóraǵasynyń orynbasary Oljas Ordabaev, sondai-aq jas kásipkerler, jastar belsendileri, jastar uiymdarynyń kóshbasshylary, sarapshylar jáne basqa da túrli baǵyttaǵy mamandar qatysty.
Spikerler Qazaqstannyń IT-salasynyń damý perspektivalary, otandyq startap-jobalardy iske asyrý jáne jastar kásipkerligin qoldaýy týraly aitty.
Dástúr boiynsha «ZEREN» jobasynda jastar qatysa alatyn birqatar baǵyttar kózdelgen jáne biylǵy jyly olardyń barlyǵy onlain-formatta uiymdastyrylýda.
Online Bilim - azamattyq belsendilik, jastardyń kásipkerligi, aqparattyq tehnologiialar, tulǵalyq damý, volonterlik qyzmet taqyryptarynda Qazaqstannyń 25 úzdik spikeri treningter ótkizetin bilim berý alańy.
Online Dialog - túrli salalarda pikir almasýǵa arnalǵan pikirtalas alańy. Online Dialog baǵyty aiasynda jastar belgili tulǵalarmen memlekettik jastar saiasatyn júzege asyrýdyń ózekti máselelerin ashyq talqylaidy jáne konstrýktivtik bastamalar men qyzyqty ideialardy usynady.
Jalpy, joba ziiatkerlik daǵdylar men jeke kapitaldy damytý maqsatynda memleket pen jastar arasyndaǵy dialog úshin jańa múmkindikter jasaýǵa baǵyttalǵan.
