«Pedagog mártebesi týraly» Zań adam resýrstarynyń sapasyn arttyrady. Bul týraly L.N.Gýmilev atyndaǵy Eýraziia ulttyq ýniversitetiniń rektory Erlan Sydyqov aitty, dep habarlaidy QazAqparat.
«Bul zań – qoǵamnyń barsha jigin beijai qaldyrmaǵan, asa kóp talqylanǵan qujat. Óitkeni eshkim bilim salasyn ainalyp óte almaidy. Tipti bilim – árbirimizdiń ósip-óný jolymyz, adam bolý taǵdyrymyz. Sondyqtan, eń birinshi, bul zańnyń bastamashysy Elbasy bolǵanyn umytpalyq. Ekinshiden, «serpindi zańdar» degen uǵym bar. Onyń serpini, áseri qoǵamǵa birden bilinetin bolady. «Pedagog mártebesi týraly» zań da – sondai zań. Bul zań ustaz ataýlynyń qoǵamdaǵy bedelin kótere otyryp, eldegi dástúrli bilim kýltin odan saiyn jetildire túsedi. Qoǵamdaǵy adam resýrstarynyń sapasyn arttyrady», - dedi E. Sydyqov.
Osy oraida rektor bul salaǵa 2024 jylǵa deiin 5,3 trillion teńge qarjy bólinetinin eske saldy. Sonyń ishinde 2020 jyly 390 mlrd teńge jumsalady.
«Jalaqy máselesine kelsek, 2021 jyldan pedagogtiń normativtik oqý júktemesi 18 saǵattan 16 saǵatqa tómendetiledi. Budan basqa muǵalimder úshin keshendi áleýmettik lift qarastyrylǵan. Buiyrsa, birte-birte muǵalim mamandyǵy mártebeli jáne berekeli mamandyqqa ainalady», - dep toqtaldy ol.
E. Sydyqovtyń sózine qaraǵanda, eger muǵalim ter tógip, halyqaralyq olimpiada, túrli baiqaý jáne sport jarystary jeńimpazyn ázirlese, úsh eńbekaqy mólsherinde syiaqy alady. Sondai-aq «magistr» deńgeiindegi muǵalimderdiń jalaqysyna ústeme qosylady. Qoǵam úshin mańyzdy shart - pedagogtiń laiyqty jalaqysy men olarǵa tiisti áleýmettik paket. Jalaqy pedagogtiń eńbek ótiline, dárejesi men ataǵyna, laýazymyna sai keste boiynsha tólenedi. Bul rette eńbek demalysy, júktemesi, meditsinalyq saqtandyrý qatań eskeriledi.
«Qaisybir jergilikti jerlerde qorǵansyz muǵalimdi paidalanyp qalý faktisin joqqa shyǵarmaimyz. Mundaida olardyń salalyq kásipodaǵy, qaýymdastyǵy járdem qolyn sozýy qajet. «Pedagog mártebesi týraly» zańda «memlekettik orta bilim berý uiymdarynyń pedagogterin olardyń kásibi qyzmetin júzege asyrý kezinde memlekettik emes uiymdardyń sharalaryn ótkizýge tartý jónindegi erejeler» naqty belgilengen. Bul boiynsha endi álgidei zańsyzdyqtar jasalsa, ustazdardy kúshtemek bolǵandar zań aldynda jaýap beredi. Muǵalimderdi qyzmetine qatysy joq sharany atqarýdy mindettegeni úshin aiyppul tóletý jaǵy da qarastyrylǵan. Aqyry quqyq týraly aityp qaldyq, atalǵan zańda kásibi qyzmetti júzege asyrý kezindegi pedagog quqyqtary, pedagogtiń materialdyq qamtamasyz etý quqyǵy, pedagogtiń kótermeleý quqyǵy anyq jazylyp, jeke baptarmen shegelenip kórsetilgen», - dep atap ótti EUÝ rektory.
Aita keteiik, QR Prezidenti Qasym-Jomart Toqaev «Pedagog mártebesi týraly» Qazaqstan Respýblikasynyń Zańyna qol qoidy.
