«پەداگوگ مەرتەبەسٸ تۋرالى» زاڭ ادام رەسۋرستارىنىڭ ساپاسىن ارتتىرادى. بۇل تۋرالى ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ رەكتورى ەرلان سىدىقوۆ ايتتى, دەپ حابارلايدى قازاقپارات.
«بۇل زاڭ – قوعامنىڭ بارشا جٸگٸن بەيجاي قالدىرماعان, اسا كٶپ تالقىلانعان قۇجات. ٶيتكەنٸ ەشكٸم بٸلٸم سالاسىن اينالىپ ٶتە المايدى. تٸپتٸ بٸلٸم – ەربٸرٸمٸزدٸڭ ٶسٸپ-ٶنۋ جولىمىز, ادام بولۋ تاعدىرىمىز. سوندىقتان, ەڭ بٸرٸنشٸ, بۇل زاڭنىڭ باستاماشىسى ەلباسى بولعانىن ۇمىتپالىق. ەكٸنشٸدەن, «سەرپٸندٸ زاڭدار» دەگەن ۇعىم بار. ونىڭ سەرپٸنٸ, ەسەرٸ قوعامعا بٸردەن بٸلٸنەتٸن بولادى. «پەداگوگ مەرتەبەسٸ تۋرالى» زاڭ دا – سونداي زاڭ. بۇل زاڭ ۇستاز اتاۋلىنىڭ قوعامداعى بەدەلٸن كٶتەرە وتىرىپ, ەلدەگٸ دەستٷرلٸ بٸلٸم كۋلتٸن ودان سايىن جەتٸلدٸرە تٷسەدٸ. قوعامداعى ادام رەسۋرستارىنىڭ ساپاسىن ارتتىرادى», - دەدٸ ە. سىدىقوۆ.
وسى ورايدا رەكتور بۇل سالاعا 2024 جىلعا دەيٸن 5,3 تريلليون تەڭگە قارجى بٶلٸنەتٸنٸن ەسكە سالدى. سونىڭ ٸشٸندە 2020 جىلى 390 ملرد تەڭگە جۇمسالادى.
«جالاقى مەسەلەسٸنە كەلسەك, 2021 جىلدان پەداگوگتٸڭ نورماتيۆتٸك وقۋ جٷكتەمەسٸ 18 ساعاتتان 16 ساعاتقا تٶمەندەتٸلەدٸ. بۇدان باسقا مۇعالٸمدەر ٷشٸن كەشەندٸ ەلەۋمەتتٸك ليفت قاراستىرىلعان. بۇيىرسا, بٸرتە-بٸرتە مۇعالٸم ماماندىعى مەرتەبەلٸ جەنە بەرەكەلٸ ماماندىققا اينالادى», - دەپ توقتالدى ول.
ە. سىدىقوۆتىڭ سٶزٸنە قاراعاندا, ەگەر مۇعالٸم تەر تٶگٸپ, حالىقارالىق وليمپيادا, تٷرلٸ بايقاۋ جەنە سپورت جارىستارى جەڭٸمپازىن ەزٸرلەسە, ٷش ەڭبەكاقى مٶلشەرٸندە سىياقى الادى. سونداي-اق «ماگيستر» دەڭگەيٸندەگٸ مۇعالٸمدەردٸڭ جالاقىسىنا ٷستەمە قوسىلادى. قوعام ٷشٸن ماڭىزدى شارت - پەداگوگتٸڭ لايىقتى جالاقىسى مەن ولارعا تيٸستٸ ەلەۋمەتتٸك پاكەت. جالاقى پەداگوگتٸڭ ەڭبەك ٶتٸلٸنە, دەرەجەسٸ مەن اتاعىنا, لاۋازىمىنا ساي كەستە بويىنشا تٶلەنەدٸ. بۇل رەتتە ەڭبەك دەمالىسى, جٷكتەمەسٸ, مەديتسينالىق ساقتاندىرۋ قاتاڭ ەسكەرٸلەدٸ.
«قايسىبٸر جەرگٸلٸكتٸ جەرلەردە قورعانسىز مۇعالٸمدٸ پايدالانىپ قالۋ فاكتٸسٸن جوققا شىعارمايمىز. مۇندايدا ولاردىڭ سالالىق كەسٸپوداعى, قاۋىمداستىعى جەردەم قولىن سوزۋى قاجەت. «پەداگوگ مەرتەبەسٸ تۋرالى» زاڭدا «مەملەكەتتٸك ورتا بٸلٸم بەرۋ ۇيىمدارىنىڭ پەداگوگتەرٸن ولاردىڭ كەسٸبي قىزمەتٸن جٷزەگە اسىرۋ كەزٸندە مەملەكەتتٸك ەمەس ۇيىمداردىڭ شارالارىن ٶتكٸزۋگە تارتۋ جٶنٸندەگٸ ەرەجەلەر» ناقتى بەلگٸلەنگەن. بۇل بويىنشا ەندٸ ەلگٸدەي زاڭسىزدىقتار جاسالسا, ۇستازداردى كٷشتەمەك بولعاندار زاڭ الدىندا جاۋاپ بەرەدٸ. مۇعالٸمدەردٸ قىزمەتٸنە قاتىسى جوق شارانى اتقارۋدى مٸندەتتەگەنٸ ٷشٸن ايىپپۇل تٶلەتۋ جاعى دا قاراستىرىلعان. اقىرى قۇقىق تۋرالى ايتىپ قالدىق, اتالعان زاڭدا كەسٸبي قىزمەتتٸ جٷزەگە اسىرۋ كەزٸندەگٸ پەداگوگ قۇقىقتارى, پەداگوگتٸڭ ماتەريالدىق قامتاماسىز ەتۋ قۇقىعى, پەداگوگتٸڭ كٶتەرمەلەۋ قۇقىعى انىق جازىلىپ, جەكە باپتارمەن شەگەلەنٸپ كٶرسەتٸلگەن», - دەپ اتاپ ٶتتٸ ەۇۋ رەكتورى.
ايتا كەتەيٸك, قر پرەزيدەنتٸ قاسىم-جومارت توقاەۆ «پەداگوگ مەرتەبەسٸ تۋرالى» قازاقستان رەسپۋبليكاسىنىڭ زاڭىنا قول قويدى.
