Qazaqstan Premer-Ministri Asqar Maminniń tóraǵalyǵymen ótken Úkimet otyrysynda «Astana» halyqaralyq qarjy ortalyǵy qyzmetiniń qazirgi nátijeleri men perspektivalary týraly «Astana» halyqaralyq qarjy ortalyǵynyń basqarýshysy Q. Kelimbetov, QR birinshi qarjy vitse-ministri B. Sholpanqulov baiandady, dep habarlaidy QR Úkimetiniń baspasóz qyzmeti.
QR Tuńǵysh Prezidenti – Elbasy N. Á. Nazarbaevtyń tikelei bastamasymen qurylǵan «Astana» halyqaralyq qarjy ortalyǵy ulttyq investitsiialyq reformanyń mańyzdy quraýyshtarynyń biri jáne elimizdiń ekonomikalyq ósimin jedeldetýge baǵyttalǵan. AHQO biznesti sheteldik investitsiialarmen qamtýda jáne kapitalǵa qol jetkizýde mańyzdy ról atqarady.
AHQO aýmaǵynda álemdik qarjy qurylymdarynyń ozyq tájiribeleri eskeriletin erekshe quqyqtyq rejim áreket etedi.
Elimizdiń qarjylyq platformasyn odan ári damytý maqsatynda, atap aitqanda qarjy ortalyǵynyń quqyqtyq iýrisdiktsiiasyn damytý maqsatynda QR Úkimetiniń músheleri AHQO týraly Konstitýtsiialyq zańǵa ózgerister engizý jobasyn maquldady.
Investitsiialyq salyq rezidenttigi baǵdarlamasynyń negizgi tujyrymdamasy - investordyń jáne onyń otbasy músheleriniń Qazaqstan Respýblikasyna birneshe márte kelý vizasyn alý múmkindigin usyna otyryp, sheteldik jeke tulǵalardyń kapitalyn elge tartý.
Sonymen qatar, zań jobasynda AHQO organdarynyń eńbek qatynastaryn jáne satyp alý rásimderin retteitin aktilerdi qabyldaýǵa quqyǵy bar ekeni qarastyrylǵan.
Jańa zańnamalyq bastamalar tartymdy investitsiialyq ahýal qurýǵa jáne investorlar tarapynan senim qatynastaryn qalyptastyrýǵa yqpal etedi.
«100 naqty qadam» ult jospary aiasynda 2015 jyly AHQO týraly arnaiy Konstitýtsiialyq zań qabyldanyp, onyń maqsaty, mindetteri men qyzmetiniń printsipteri anyqtaldy. Osy Konstitýtsiialyq zańǵa búgin usynylyp otyrǵan túzetýler Qarjy ortalyǵynyń elimizdiń negizgi qarjy platformasy retinde jyldam qalyptasyp, damýyna jáne onyń iýrisdiktsiiasyn investitsiialardy tartý men qorǵaý úshin paidalanýǵa múmkindik beredi», — dei kele QR Úkimetiniń basshysy Asqar Mamin, AHQO qyzmetin jetildirý jónindegi jumystardy jalǵastyrýdy tapsyrdy.
