قازاقستان پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا «استانا» حالىقارالىق قارجى ورتالىعى قىزمەتٸنٸڭ قازٸرگٸ نەتيجەلەرٸ مەن پەرسپەكتيۆالارى تۋرالى «استانا» حالىقارالىق قارجى ورتالىعىنىڭ باسقارۋشىسى ق. كەلٸمبەتوۆ, قر بٸرٸنشٸ قارجى ۆيتسە-مينيسترٸ ب. شولپانقۇلوۆ باياندادى, دەپ حابارلايدى قر ٷكٸمەتٸنٸڭ باسپاسٶز قىزمەتٸ.
قر تۇڭعىش پرەزيدەنتٸ – ەلباسى ن. ە. نازارباەۆتىڭ تٸكەلەي باستاماسىمەن قۇرىلعان «استانا» حالىقارالىق قارجى ورتالىعى ۇلتتىق ينۆەستيتسييالىق رەفورمانىڭ ماڭىزدى قۇراۋىشتارىنىڭ بٸرٸ جەنە ەلٸمٸزدٸڭ ەكونوميكالىق ٶسٸمٸن جەدەلدەتۋگە باعىتتالعان. احقو بيزنەستٸ شەتەلدٸك ينۆەستيتسييالارمەن قامتۋدا جەنە كاپيتالعا قول جەتكٸزۋدە ماڭىزدى رٶل اتقارادى.
احقو اۋماعىندا ەلەمدٸك قارجى قۇرىلىمدارىنىڭ وزىق تەجٸريبەلەرٸ ەسكەرٸلەتٸن ەرەكشە قۇقىقتىق رەجيم ەرەكەت ەتەدٸ.
ەلٸمٸزدٸڭ قارجىلىق پلاتفورماسىن ودان ەرٸ دامىتۋ ماقساتىندا, اتاپ ايتقاندا قارجى ورتالىعىنىڭ قۇقىقتىق يۋريسديكتسيياسىن دامىتۋ ماقساتىندا قر ٷكٸمەتٸنٸڭ مٷشەلەرٸ احقو تۋرالى كونستيتۋتسييالىق زاڭعا ٶزگەرٸستەر ەنگٸزۋ جوباسىن ماقۇلدادى.
ينۆەستيتسييالىق سالىق رەزيدەنتتٸگٸ باعدارلاماسىنىڭ نەگٸزگٸ تۇجىرىمداماسى - ينۆەستوردىڭ جەنە ونىڭ وتباسى مٷشەلەرٸنٸڭ قازاقستان رەسپۋبليكاسىنا بٸرنەشە مەرتە كەلۋ ۆيزاسىن الۋ مٷمكٸندٸگٸن ۇسىنا وتىرىپ, شەتەلدٸك جەكە تۇلعالاردىڭ كاپيتالىن ەلگە تارتۋ.
سونىمەن قاتار, زاڭ جوباسىندا احقو ورگاندارىنىڭ ەڭبەك قاتىناستارىن جەنە ساتىپ الۋ رەسٸمدەرٸن رەتتەيتٸن اكتٸلەردٸ قابىلداۋعا قۇقىعى بار ەكەنٸ قاراستىرىلعان.
جاڭا زاڭنامالىق باستامالار تارتىمدى ينۆەستيتسييالىق احۋال قۇرۋعا جەنە ينۆەستورلار تاراپىنان سەنٸم قاتىناستارىن قالىپتاستىرۋعا ىقپال ەتەدٸ.
«100 ناقتى قادام» ۇلت جوسپارى اياسىندا 2015 جىلى احقو تۋرالى ارنايى كونستيتۋتسييالىق زاڭ قابىلدانىپ, ونىڭ ماقساتى, مٸندەتتەرٸ مەن قىزمەتٸنٸڭ پرينتسيپتەرٸ انىقتالدى. وسى كونستيتۋتسييالىق زاڭعا بٷگٸن ۇسىنىلىپ وتىرعان تٷزەتۋلەر قارجى ورتالىعىنىڭ ەلٸمٸزدٸڭ نەگٸزگٸ قارجى پلاتفورماسى رەتٸندە جىلدام قالىپتاسىپ, دامۋىنا جەنە ونىڭ يۋريسديكتسيياسىن ينۆەستيتسييالاردى تارتۋ مەن قورعاۋ ٷشٸن پايدالانۋعا مٷمكٸندٸك بەرەدٸ», — دەي كەلە قر ٷكٸمەتٸنٸڭ باسشىسى اسقار مامين, احقو قىزمەتٸن جەتٸلدٸرۋ جٶنٸندەگٸ جۇمىستاردى جالعاستىرۋدى تاپسىردى.
