Jańa virýs Qazaqstan men ózge taǵy tórt elde POS-terminaldarǵa shabýyldap, bankomat kartalarynan aqsha urlai bastady. Bul týraly «Kasperskii zerthanasy» dúisenbi kúni málim etti, dep habarlaidy Ult.kz tilshisi QazAqparat agenttigine silteme jasap.
«Kasperskii zerthanasy» POS-terminaldarǵa shabýyldap, bankomat kartalarynan aqsha urlai bastaǵan Neutrino troiandik baǵdarlamasyn anyqtady», - delingen taratylǵan habarlamada.
Virýs terminaldarǵa tarap, aqsha berý kezinde bankomat kartalarynyń málimetterin oqidy. Bul rette, ziiandy baǵdarlama aqshany jymqyrýǵa birden kóshpeidi. Ol aldymen, kúdikti kodtardy teksere bastaityn banktiń qaýipsizdik júiesin ainalyp ótýge tyrysady. Sodan keiin ǵana baryp, aqsha kartadan urlanady, dep jazady «RIA Jańalyqtar» agenttigi.
«Neutrino baǵdarlamasy arqyly shabýyldardyń tórtten bir bóligi Reseide jasalǵan. Kibershabýyldar sondai-aq Aljir, Qazaqstan, Ýkraina jáne Mysyr elderinde tirkeldi. Virýspen zaqymdaý áreketteriniń 10 paiyzǵa jýyǵy shaǵyn biznes kásiporyndaryna tiesili», - delingen», - habarlamada.
