Endigi ýaqytta dúniege kelgen sábidiń qujatyn ázirleý barysynda oǵan járdemaqy resimdeýge jáne sábidi balabaqsha kezegine qoiýǵa bolady, dep habarlaidy "Ult aqparat" «Ulttyq aqparattyq tehnologiialar» AQ-na silteme jasap.
«Endigi ýaqytta sábi dúniege kelgennen keiin, oǵan qujattar resimdeýde proaktivti qyzmet arqyly balanyń týýyn tirkeýge ótinish berýge, járdemaqyny resimdeýge, tipti balany balabaqsha kezegine qoiýǵa bolady», - dep habarlaidy aqparattyq tehnologiialar kompaniiasy.
Proaktivti qyzmet alý úshin mobildi azamattar bazasynda tirkelý qajet.
Qoldanýshylarǵa yńǵaily bolý úshin mobildi azamattar bazasynda tirkelýdiń úsh tásili bar:
1. Óz betinshe ETsQ (elektrondy tsifrly qol) qol qoia otyryp portaldaǵy (eGov.kz) jeke kabinet arqyly. Ol úshin tómendegi silteme boiynsha tirkeý jónindegi nusqaýlyqpen tanysýǵa bolady.
2. «Azamattarǵa arnalǵan úkimet» (HQKO) filialdarynyń kez kelgen qyzmetkerine júginý arqyly, tolyq aqparatty silteme arqyly bilýge bolady.
3. Perinataldyq ortalyqtar men perzenthana janyndaǵy «Azamattarǵa arnalǵan úkimet» memlekettik korporatsiiasynyń ókilderine júginýge, sondai-aq, atalǵan qyzmetti Telegram-bot arqyly alý múmkindigi bar.
«Meditsinalyq mekemeniń habarlamasyn alǵan soń, aqparattyq júie bala týǵannan keiin bir táýlik ishinde Sizge qyzmet kórsetý úshin qajetti SMS jiberedi. Qyzmet kórsetý úshin qajetti málimetter ártúrli memlekettik organdardyń aqparattyq júielerinen alynady, al jetispeitin málimetter balanyń anasynan SMS arqyly suratylady. Portalda (eGov.kz) proaktivti qyzmet alý úshin qalai jaýap SMS jiberý kerektigi týraly kórneki úlgiler kórsetilgen egjei-tegjeili aqparat ornalastyrylǵan», - delingen habarlamada.
