Jańa týǵan sábidi proaktiv tásilmen turaqty mekenjaiǵa tirkeýge bolady, dep habarlaidy "Ult aqparat" «Azamattarǵa arnalǵan úkimet» korporatsiiasy silteme jasap.
Memlekettik korporatsiiasy baspasóz qyzmetiniń málimetinshe, dúniege bala kelgende proaktiv tásilmen kórsetiletin memlekettik qyzmetter tizimine mekenjai boiynsha tirkelý qyzmetin qosty. Bul memlekettik korporatsiianyń bastamasymen QR IIM men Ádilet ministrlikteri derekqorlaryn integratsiialaý nátijesinde júzege asyp otyr.
Budan bylai jańa bosanǵan áielderge balanyń týý týraly qujatyn jasatyp, balabaqsha kezegine turý jáne járdemaqy alýǵa usynys bildiretin sms-habarlamamen birge jańa týǵan sábidi mekenjaiǵa tirkeýge qoiýǵa múmkindik beretin habarlama qosa joldanady.
«Proaktiv tásili azamattarǵa eshqaida shyqpai-aq memlekettik qyzmetterdi alýǵa múmkindik beredi. Jańa tehnologiialar endi ǵana sábili bolǵan ata-anaǵa HQO-ǵa barmai, balanyń bar qujattaryn retteýge kómektesedi. Bar qajeti - telefonǵa kelgen SMS-ke jaýap berý ǵana», - deidi memlekettik korporatsiianyń tóraiymy Ásemgúl Baltasheva.
Ereje boiynsha dúniege kelgen sábidiń ata-anasynyń birine eki apta ishinde mekenjai tirkeýine turý jóninde sms-usynys joldanady. Jaýap berilgen jaǵdaida baspana iesi óz mekenjaiynyń tirkeý kodyn engizýi tiis. Páter ne úi balanyń ata-anasynyń atynda bolmaǵan jaǵdaida baspana iesiniń JSN qosa joldanady. Bul rette, proaktiv tásilmen joldanatyn kelte habarlamany alý úshin balanyń ata-anasynyń biri mindetti túrde mobildi azamattar bazasynda tirkelýi kerek.
Aita keteiik, 1,5 jyl buryn iske qosylǵan proaktiv tásilimen 70 myńnan astam balanyń týý týraly qujaty berilip, 13 myń bóbek balabaqsha kezegine turǵyzyldy.
