Foto: Argýmenty i fakty
Tatarstanda bútkil eldi eseńgiretken qaiǵyly oqiǵa oryn aldy. Zelenodolsk aýdanyna qarasty Vasilevo eldi mekeninde kópqabatty úidiń terezesinen sábi qulap, kóz jumǵan — qyz bala nebári 21 kún ǵana ómir súrgen. Aldyn ala boljam boiynsha, ony terezeden bes jastaǵy ápkesi laqtyryp jibergen. Oqiǵa kezinde balalar páterde eresekterdiń qaraýynsyz qalǵan, dep habarlaidy Ult.kz.
Jergilikti turǵyndardyń aitýynsha, sábi shamamen úshinshi nemese tórtinshi qabattyń terezesinen qulaǵan.
Oqiǵa ornyna jedel járdem men tergeý toby dereý jetkenimen, balany aman alyp qalý múmkin bolmady.
Anyqtalǵandai, oqiǵa kezinde balalardyń ákesi jumysta bolǵan, al anasy páterden shyǵyp ketken — onyń qaida ketkeni qazir anyqtalyp jatyr. Aldyn ala málimet boiynsha, bul otbasy burynnan úlgili dep sipattalǵan.
«Sábidiń qaza bolýyna bailanysty qylmystyq is qozǵaldy. Balalardy qaraýsyz qaldyrǵan ata-ananyń is-áreketi, sondai-aq ózge de nusqalar tekserilip jatyr», — dep habarlady Tatarstan boiynsha Tergeý komitetiniń baspasóz qyzmeti.
