Astana áýejaiynyń ókilderi jańa halyqaralyq terminaldyń shatyrynan sý aǵyp turǵan videoǵa qatysty pikir bildirdi. Baspasóz qyzmetiniń málimetinshe, áýejai merdiger kompaniianyń ústine sotqa aryz bergen, - dep habarlaidy Kaz.tengritravel.kz portaly.
Jýrnalist Mihail Kozachkovtyń Telegram-kanalynda Astananyń halyqaralyq áýejaiynda shatyrdan sý aǵyp turǵan video jariialandy.
"Astana halyqaralyq áýejaiy qolaisyzdyqtar úshin keshirim suraidy, sondai-aq áýejai Astana qalasynyń mamandandyrylǵan aýdanaralyq ekonomikalyq sotyna nysandy paidalaný protsesinde paida bolǵan shartta jáne jobalaý-smetalyq qujattamada kózdelgen talaptardan aýytqýmen oryndalǵan jumystardyń kemshilikterin óteýsiz qalpyna keltirýdi júkteý týraly talap aryz berdi", - dep málimdedi baspasóz qyzmeti áýe ailaǵy.
Sondai-aq, áýejaidyń baspasóz qyzmetiniń ókilderi osyǵan deiin de shatyrdyń jáne otyrǵyzý geitterinde sý aǵýy týraly merdigerge birneshe ret hattar jibergenin atap ótti. Búgingi kúnge deiin merdiger anyqtalǵan kemshilikterdi joiý úshin eshqandai shara qoldanǵan joq.
"Sonymen qatar, T-1 halyqaralyq terminalynyń shatyrynan sý aǵý sebepterin anyqtaý maqsatynda áýejai tehnikalyq tekserýler júrgizdi. Nátijesinde, T-1 terminalynyń shatyrynyń quramy bekitilgen jobaǵa sáikes kelmeitini anyqtaldy. Bul derek shatyrdy ashý nátijesinde anyqtaldy", - delingen habarlamada.
Áýejai dereý qalpyna keltirý jumystaryna kiristi, óz kezeginde merdiger jaqyn arada kemshilikterdi joiýǵa mindetteldi.
Aita keteiik, Astana áýejaiynyń jańa terminaly 2017 jyly ashylǵan. Onyń jalpy aýmaǵy - 47 myń sharshy metr. Oǵan halyqaralyq jolaýshylar terminaly men VIP terminaly, alty jańa qonatyn áýekemeleriniń turaǵy jáne tórt avtobýs qaqpasy kiredi.
