Uzaq jolǵa arnalǵan aýyr júk kólikterin shyǵaratyn óndirýshiler kabinanyń dizainyn jaqsartyp qana qoimai, júrgizýshilerge qaýipsiz ári jaily jaǵdai týǵyzýy kerek.
Amerika Qurama Shtattarynda 40 millionǵa jýyq adam jumystaǵy jaisyzdyqtan zardap shegedi. Keibireýler kúni boiy kompiýterdiń aldynda otyrǵany úshin, al keibireýler birsaryndy qimyldy qaitalai bergennen densaýlyǵyna ziian keltiredi.
Osy aitylǵandardyń ishinde kásibi júk kóligin júrgizýshilerge de qaýip tónip tur. Olar saǵattar boiy júk kóliginde otyrǵannan jáne aýyr kólikti basqarǵannan býyndary men bulshyqetterine salmaq túsedi. Volvo Trucks kompaniiasynyń jaqynda jasaǵan zertteýlerine súiensek, 80% kásibi júrgizýshi jumys saldarynan moiny, arqasy jáne qol býyndary aýyratynyn rastaǵan.
Kóptegen jumysker jumysta kezdesetin jaisyzdyqtyń jyldarǵa sozylyp, densaýlyqqa aitarlyqtai áser etetinin bile bermeidi. Al keibireýleri bilgen kúnde de, ony problema dep qabyldamaidy jáne oǵan shydap ómir súre berýge bolady dep oilaidy. Ókinishke qarai, osyndai jaisyzdyqtar júrgizýshilerdiń jumysqa shyǵýyn siretip nemese kásibimen birjola qoshtasýyna ákelip soǵady. Volvo Trucks jasaǵan zertteý nátijesi boiynsha, 10 júrgizýshiniń tórteýi densaýlyǵynda paida bolǵan jaisyzdyqqa bailanysty júrgizýshilik kásipti ári qarai jalǵastyrýdan kúmándanady eken.
Aralas jekpe-jek sheberi, synyqshy doktor Biý Haitaýer júrgizýshilerdi mobildi emhana arqyly emdeidi. Dáriger Biýdiń emine barǵan júrgizýshilerdiń aitýynsha kásibi aýrý saldarynan olardyń ómirinde ózgerister paida bolǵan. Mysaly, bir egde jastaǵy júrgizýshi nemeresimen oinai almaǵan, al biri sońǵy kezde múldem bileýden qalǵan. Tipti bireýiniń qoldary shanshyp aýyryp, uiyp qalatyn bolǵan.
Dáriger Haitaýer: «Kásibi júrgizýshiler óz aǵzalaryn shamadan tys sharshatady. Ýaqyt óte kele bul bulshyqetti ózgertip, súiekterge áser etedi. Olar qoldaryn seze almai qalǵan kezde júikesi qozǵalyp, bas aýrýlary bastalady. Bul adamdar bizdiń ekonomikamyzdyń qozǵaýshy kúshi jáne olardyń astyndaǵy kólik densaýlyqtaryna ziian keltirmeitindei, qajetti tehnodlogiiamen jabdyqtalýy kerek», - dep esepteidi.
Baqytymyzǵa orai, Haitaýer siiaqty mamandar jumys ornyndaǵy jaisyzdyqtan zardap shekken adamdarǵa kómektese alady. Onyń «Moiyn úzý» dep atalatyn mobildi emhanasynan shyqqan naýqastar em-sharadan keiin ózderin jaqsy sezingen. Biraq kóp jaǵdaida, aýrýdyń saldarmen kúreskennen góri, máseleniń túp tórkinin taýyp, ony joiý mańyzdyraq.
Taýar óndirisiniń birqatar salasynda ónimdi densaýlyqqa ziian keltirmeitindei etip jasaý qalypty jaǵdaiǵa ainalǵan. Aiaq kiim óndirýshileri kúni boiy tik turatyn adamdar úshin ziiansyz ortopediialyq aiaq kiimder tigedi. Al keńse jihazy ergonomikalyq ári yńǵaily bolýy kerek. Kóptegen kompaniia jumys oryndarynda qozǵalystyń qaýipsizdigi men birsaryndy áreketterdi azaitý arqyly jumyskerlerdiń býyndarynyń sharshamaýyn qadaǵalaidy.
Uzaq jolǵa arnalǵan aýyr júk kólikterine keletin bolsaq, sońǵy kezde olardyń kabinasyna jalpylama jaqsartý jumystaryn júrgizgen. Eski kreslolar jaily ergonomikalyq kreslolarmen almastyrylyp, jaqsartylǵan shanaqty qosý arqyly Volvo Trucks júrgizýshilerge qaýipsizdik pen jailylyqty qamtamasyz etýde kósh bastady. 2007 jyly eń úzdik I-Shift avtomatty redýktorlaryn iske qosyp, júrgizýshiniń iyǵyna túsetin salmaqty azaitty. Búgingi tańda Volvo Trucks Soltústik Amerikada jańa dinamikalyq basqarý júiesin alǵashqylardyń biri bolyp engizdi.
Volvo Trucks-tyń Soltústik Amerikadaǵy brend marketing jáne kommýnikatsiia bóliminiń direktory Frekrik Klevenfeldtiń aitýynsha, jańa dinamikalyq basqarýdyń artyqshylyǵy – uzaq ýaqyt boiy kólik aidaǵan júrgizýshilerdiń sharshaǵanyn jeńildetedi.
Jańa júiedegi kospiýter basqarý rólinen keletin málimetterdi sekýndyna eki myń ret tirkep turady. Bul málimetti basqarý kolannasyndaǵy dirildi tómendetip, jyldamdyq tejeýdi 85% azaitady, joldyń sapasy nashar bolyp, jel tursa da júrgizýshiniń tasjoldaǵy baǵytyn ustap otyrýǵa jaǵdai jasaidy.
Aýyr júk tasýǵa táýeldi bolǵan zamanda, ekonomikanyń eń aýyr júgin tasyp júrgen júrgizýshilerdiń densaýlyǵy myqty, qozǵalysy qaýipsiz bolǵany úlken mańyzǵa ie.
Maqalanyń túpnusqasy: usatoday.com
