Jańa Sý kodeksin ázirleý boiynsha jumys bastaldy. Bul týraly QR Ekologiia, geologiia jáne tabiǵi resrýstar ministri Serikqali Brekeshev aitty, dep habarlaidy QazAqparat.
«Ózderińiz biletindei, Prezidenttiń sý qaýipsizdigin qamtamasyz etý jónindegi tapsyrmasyn oryndaý úshin ministrlik sýarý júielerin qaita qurý jáne jańǵyrtý, sý únemdeýdi yntalandyrý esebinen sýǵa suranysty retteý arqyly sý resýrstaryn paidalanýdyń tiimdiligin arttyrý boiynsha júieli sharalar qabyldap jatyr. Óz kezeginde, bul is-sharalardyń tiimdi iske asyrylýyn qamtamasyz etý úshin zańnamalyq ózgerister qajet. Búgingi tańda, ministrlik tarapynan jańa Sý kodeksin ázirleý boiynsha jumys bastaldy, onyń jobasy 2023 jyldyń birinshi jartysynda Parlamentke engiziletin bolady», - dedi Serikqali Brekeshev Senattyń jalpy otyrysynda.
Onyń aitýynsha, sý salasyn damytý perspektivalaryn biylǵy mamyr aiynda ótetin parlamenttik tyńdaýlarda qaraý josparlanyp otyr. Oǵan Senat depýtattary da qatysyp, óz usynystarymen bólisedi.
Biyl aqpan aiynda QR Prezidenti Qasym-Jomart Toqaev Úkimetke klimattyń ózgerýi men shekaralas elderdiń saiasatyn eskeretin jańa Sý kodeksin ázirleýdi tapsyrdy.
