جاڭا سۋ كودەكسٸن ەزٸرلەۋ بويىنشا جۇمىس باستالدى. بۇل تۋرالى قر ەكولوگييا, گەولوگييا جەنە تابيعي رەسرۋستار مينيسترٸ سەرٸكقالي برەكەشەۆ ايتتى, دەپ حابارلايدى قازاقپارات.
«ٶزدەرٸڭٸز بٸلەتٸندەي, پرەزيدەنتتٸڭ سۋ قاۋٸپسٸزدٸگٸن قامتاماسىز ەتۋ جٶنٸندەگٸ تاپسىرماسىن ورىنداۋ ٷشٸن مينيسترلٸك سۋارۋ جٷيەلەرٸن قايتا قۇرۋ جەنە جاڭعىرتۋ, سۋ ٷنەمدەۋدٸ ىنتالاندىرۋ ەسەبٸنەن سۋعا سۇرانىستى رەتتەۋ ارقىلى سۋ رەسۋرستارىن پايدالانۋدىڭ تيٸمدٸلٸگٸن ارتتىرۋ بويىنشا جٷيەلٸ شارالار قابىلداپ جاتىر. ٶز كەزەگٸندە, بۇل ٸس-شارالاردىڭ تيٸمدٸ ٸسكە اسىرىلۋىن قامتاماسىز ەتۋ ٷشٸن زاڭنامالىق ٶزگەرٸستەر قاجەت. بٷگٸنگٸ تاڭدا, مينيسترلٸك تاراپىنان جاڭا سۋ كودەكسٸن ەزٸرلەۋ بويىنشا جۇمىس باستالدى, ونىڭ جوباسى 2023 جىلدىڭ بٸرٸنشٸ جارتىسىندا پارلامەنتكە ەنگٸزٸلەتٸن بولادى», - دەدٸ سەرٸكقالي برەكەشەۆ سەناتتىڭ جالپى وتىرىسىندا.
ونىڭ ايتۋىنشا, سۋ سالاسىن دامىتۋ پەرسپەكتيۆالارىن بيىلعى مامىر ايىندا ٶتەتٸن پارلامەنتتٸك تىڭداۋلاردا قاراۋ جوسپارلانىپ وتىر. وعان سەنات دەپۋتاتتارى دا قاتىسىپ, ٶز ۇسىنىستارىمەن بٶلٸسەدٸ.
بيىل اقپان ايىندا قر پرەزيدەنتٸ قاسىم-جومارت توقاەۆ ٷكٸمەتكە كليماتتىڭ ٶزگەرۋٸ مەن شەكارالاس ەلدەردٸڭ ساياساتىن ەسكەرەتٸن جاڭا سۋ كودەكسٸن ەزٸرلەۋدٸ تاپسىردى.
