Kóliktegi bas memlekettik sanitarlyq dáriger Sádýaqas Baiǵabylov koronavirýs infektsiiasy boiynsha jańa talaptar engizilgennen keiin alǵashqy halyqaralyq áýe reisteriniń kelýine qatysty pikir bildirdi, dep habarlaidy "Ult aqparat".
«Keshe keshke qosymsha shekteý talaptary jaǵdaiynda elordanyń áýe ailaǵynyń daiyndyǵy saralandy. Osy jyldyń 6 qazanynyń túninde Nur-Sultan qalasynyń áýejaiy Túrkiiadan 4 áýe reisin kútip aldy. Barlyǵy 478 jolaýshy keldi. Olardyń 170-i COVID-19 boiynsha PTR-anyqtamasy bolmaǵandyqtan karantindik statsionarǵa jatqyzyldy. Olar sol jerde PTR-analizden ótedi», - dedi kóliktegi bas memlekettik sanitarlyq dáriger.
Al Almaty qalasyndaǵy áýejai Túrkiia, Ońtústik Koreia men Belarýstan 8 áýe reisin qabyldaǵan. Barlyǵy 797 jolaýshy kelip, olardyń 230-da COVID-19 boiynsha PTR-anyqtamasy bolmaǵan. Olar da PTR-analizden ótý úshin karantindik statsionarǵa jatqyzyldy.
Sádýaqas Baiǵabylovtyń aitýynsha, Qazaqstanǵa kelgen shetel azamattarynda COVID-19 boiynsha PTR-anyqtama bolǵan. Olardyń eshqaisysy deportatsiialanǵan joq.
Birinshi áýejaida tranzittik jolaýshylar da PTR ádisimen testten ótý úshin eki kúndik karantinge ornalastyrylady.
PTR-testten ótetin jolaýshylary elordadaǵy Ramada Plaza Astana qonaqúii men Almatydaǵy Renion hotel, Ambassador, Shera Park, «Premer Alataý» otelderindegi karantindik statsionarda jatyr.
