كٶلٸكتەگٸ باس مەملەكەتتٸك سانيتارلىق دەرٸگەر سەدۋاقاس بايعابىلوۆ كوروناۆيرۋس ينفەكتسيياسى بويىنشا جاڭا تالاپتار ەنگٸزٸلگەننەن كەيٸن العاشقى حالىقارالىق ەۋە رەيستەرٸنٸڭ كەلۋٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«كەشە كەشكە قوسىمشا شەكتەۋ تالاپتارى جاعدايىندا ەلوردانىڭ ەۋە ايلاعىنىڭ دايىندىعى سارالاندى. وسى جىلدىڭ 6 قازانىنىڭ تٷنٸندە نۇر-سۇلتان قالاسىنىڭ ەۋەجايى تٷركييادان 4 ەۋە رەيسٸن كٷتٸپ الدى. بارلىعى 478 جولاۋشى كەلدٸ. ولاردىڭ 170-ٸ COVID-19 بويىنشا پتر-انىقتاماسى بولماعاندىقتان كارانتيندٸك ستاتسيونارعا جاتقىزىلدى. ولار سول جەردە پتر-اناليزدەن ٶتەدٸ», - دەدٸ كٶلٸكتەگٸ باس مەملەكەتتٸك سانيتارلىق دەرٸگەر.
ال الماتى قالاسىنداعى ەۋەجاي تٷركييا, وڭتٷستٸك كورەيا مەن بەلارۋستان 8 ەۋە رەيسٸن قابىلداعان. بارلىعى 797 جولاۋشى كەلٸپ, ولاردىڭ 230-دا COVID-19 بويىنشا پتر-انىقتاماسى بولماعان. ولار دا پتر-اناليزدەن ٶتۋ ٷشٸن كارانتيندٸك ستاتسيونارعا جاتقىزىلدى.
سەدۋاقاس بايعابىلوۆتىڭ ايتۋىنشا, قازاقستانعا كەلگەن شەتەل ازاماتتارىندا COVID-19 بويىنشا پتر-انىقتاما بولعان. ولاردىڭ ەشقايسىسى دەپورتاتسييالانعان جوق.
بٸرٸنشٸ ەۋەجايدا ترانزيتتٸك جولاۋشىلار دا پتر ەدٸسٸمەن تەستتەن ٶتۋ ٷشٸن ەكٸ كٷندٸك كارانتينگە ورنالاستىرىلادى.
پتر-تەستتەن ٶتەتٸن جولاۋشىلارى ەلورداداعى Ramada Plaza Astana قوناقٷيٸ مەن الماتىداعى Renion hotel, Ambassador, Shera Park, «پرەمەر الاتاۋ» وتەلدەرٸندەگٸ كارانتيندٸك ستاتسيوناردا جاتىر.
