QR Bilim jáne ǵylym ministri Ashat Aimaǵambetov stýdentter, magistranttar jáne doktoranttardyń shákirtaqysy qanshaǵa artatynyn aityp berdi, dep habarlaidy QazAqparat.
«Nur Otan» partiiasynyń sailaýaldy baǵdarlamasyna sáikes, 2025 jylǵa deiin granttar sany artyp, 75 myń orynǵa jetedi dep josparlanǵan. Qazirdiń ózinde sailaýaldy baǵdarlamany iske asyrýdy bastadyq. Qarjy bólindi. Biyl qyrkúiek aiynda granttar sany 5 myń orynǵa ulǵaitylady. Jyl saiyn bakalavriatqa 51 myń oryn bólinse, biyl 56 myń oryn bolady», - dedi ministr Ortalyq kommýnikatsiialar qyzmetinde ótken baspasóz máslihatynda.
Sonymen birge, Bilim ministri stipendiiany arttyrý týraly da talqylaý bolyp jatqanyn aitty.
«Memleket basshysynyń tapsyrmasymen shákirtaqy kólemi artyp keledi. Biylǵy qyrkúiek aiynan bastap bakalavriat boiynsha stipendiia mólsheri 30 myń teńgeden sál asady dep josparlap otyrmyz. Magistratýraǵa kelsek, 15%-ǵa ósip, shamamen 76 myń teńge bolmaq. Doktorantýra boiynsha biylǵy shákirtaqy 172 myń teńge bolady dep josparlap otyrmyz», - dep túsindirdi Aimaǵambetov.
