قر بٸلٸم جەنە عىلىم مينيسترٸ اسحات ايماعامبەتوۆ ستۋدەنتتەر, ماگيسترانتتار جەنە دوكتورانتتاردىڭ شەكٸرتاقىسى قانشاعا ارتاتىنىن ايتىپ بەردٸ, دەپ حابارلايدى قازاقپارات.
«Nur Otan» پارتيياسىنىڭ سايلاۋالدى باعدارلاماسىنا سەيكەس, 2025 جىلعا دەيٸن گرانتتار سانى ارتىپ, 75 مىڭ ورىنعا جەتەدٸ دەپ جوسپارلانعان. قازٸردٸڭ ٶزٸندە سايلاۋالدى باعدارلامانى ٸسكە اسىرۋدى باستادىق. قارجى بٶلٸندٸ. بيىل قىركٷيەك ايىندا گرانتتار سانى 5 مىڭ ورىنعا ۇلعايتىلادى. جىل سايىن باكالاۆرياتقا 51 مىڭ ورىن بٶلٸنسە, بيىل 56 مىڭ ورىن بولادى», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونىمەن بٸرگە, بٸلٸم مينيسترٸ ستيپەندييانى ارتتىرۋ تۋرالى دا تالقىلاۋ بولىپ جاتقانىن ايتتى.
«مەملەكەت باسشىسىنىڭ تاپسىرماسىمەن شەكٸرتاقى كٶلەمٸ ارتىپ كەلەدٸ. بيىلعى قىركٷيەك ايىنان باستاپ باكالاۆريات بويىنشا ستيپەندييا مٶلشەرٸ 30 مىڭ تەڭگەدەن سەل اسادى دەپ جوسپارلاپ وتىرمىز. ماگيستراتۋراعا كەلسەك, 15%-عا ٶسٸپ, شامامەن 76 مىڭ تەڭگە بولماق. دوكتورانتۋرا بويىنشا بيىلعى شەكٸرتاقى 172 مىڭ تەڭگە بولادى دەپ جوسپارلاپ وتىرمىز», - دەپ تٷسٸندٸردٸ ايماعامبەتوۆ.
