QR Tsifrlyq damý, innovatsiialar jáne aeroǵarysh ónerkásibi ministrligi qashyqtan bilim berýdi qoldaý maqsatynda uialy bailanys operatorlarymen birlesip, mektep oqýshylary men stýdentterge jáne muǵalimderge arnalǵan arnaiy tariftik jospar shyǵarý máselesin pysyqtaǵan edi, dep habarlaidy "Ult aqparat" vedomstvonyń baspasóz qyzmetine silteme jasap.
QR Tsifrlyq damý, innovatsiialar jáne aeroǵarysh ónerkásibi ministriniń mindetin atqarýshy Baǵdat Mýsinniń aitýynsha, tariftik josparda otandyq beine-konferents bailanys júiesin qosa alǵanda, QR Bilim jáne ǵylym ministrligi maquldaǵan otandyq (jergilikti jáne QR aýmaǵyndaǵy) 380 bilim berý resýrsyn shekteýsiz paidalaný qarastyrylǵan.
«Bilim» tariftik josparynyń abonenttik tólemi aiyna 990 teńge. Bul tariftik jospardy 20 tamyzdan keiin qoldanýǵa bolady. Jańa tariftik josparǵa qosylý sharttaryn qazir Bilim jáne ǵylym ministrligi pysyqtap jatyr. Sondai-aq, bailanys operatorlary 1 GB internet trafigin qosymsha usynady», - dedi Baǵdat Mýsin.
Bul is-shara QR Tsifrlyq damý, innovatsiialar jáne aeroǵarysh ónerkásibi ministrligi, QR Bilim jáne ǵylym ministrligi jáne bailanys operatorlary arasynda qazaqstandyqtardyń bilim berý resýrstaryna shekteýsiz qosylý jónindegi yntymaqtastyq memorandýmyn qabyldaý nátijesinde júzege asyrylǵan.
Budan ózge, ministrlik tirkelgen bailanys operatorlarymen birge tiisti taldaý júrgizip, operatorlardyń mektepterdegi internet jyldamdyǵyn
8 Mbit/sek deiin qosý/arttyrý múmkindigin anyqtady.
Osy boiynsha tiisti aqparat jergilikti ákimdikterge joldandy. Jergilikti ákimdikter mektepterdi internetpen qamtý boiynsha jumys júrgizýi kerek.
