QR Bilim jáne ǵylym ministri Erlan Saǵadievtiń aitýynsha, Memleket basshysynyń "Bolashaqqa baǵdar: rýxani jańǵyrý" maqalasynda kórsetilgen maqsat-mindetter aiasynda jańa oqý jylynan bastap birqatar pánder mýzeilerde ótkiziledi, dep xabarlaidy QazAqparat tilshisi.
"Geografiia, dúnietaný jáne Qazaqstan tarixy sabaqtaryn keminde eki saǵattan mýzeilerde, joǵary oqý oryndarynyń mýzeileri men ǵylymi institýttarynda ótkizýdi josparlap otyrmyz. Árine, bul is-sharalar tek qana jaǵdaiy bar jerlerde ótkizeledi. Degenmen, Qazaqstannyń mýzeileri kúzge deiin daiyn bolýy kerek. Sonyń ishinde oqýshylar otyratyn oryndardy daiyndap, mýzeilerdi qajetti texnikalyq quraldar - proektorlar men interaktivti taqtalarmen qamtasyz etý kerek. Joǵary oqý oryndaryna qarasty zertteý institýttarynyń mýzeilerin ózimiz daiyndaimyz. Birqatar oblys ákimderimen osy másele talqylandy. Bul jumysty ótkizý úshin jergilikti ákimdermen mýzeilerge barý aqysyn tóleý mexanizmi ázirlenýi tiis", - dedi Saǵadiev búgingi Úkimet otyrysy barysynda.
Ministrdiń aitýynsha, búginnen bastap mádeniet jáne sport ministrligimen tiisti keńester ótkiziletin bolady. Sol kezde jańa oqý jylynan bastap mektep oqýshylary úshin mýzeilerde sabaq ótkizý máselesi jan-jaqty pysyqtalady.
