Foto: Zakon.kz
Oqý-aǵartý ministrligi jańa oqý jyly qarsańynda áleýmettik osal sanattaǵy oqýshylardyń barlyǵy "Jalpyǵa birdei bilim berý qory" aiasynda tolyq qamtylǵanyn málimdedi, dep habarlaidy Ult.kz.
Jergilikti atqarýshy organdardyń derekterine sáikes ata-analardyń jáne zańdy ókilderdiń esepshottaryna mektep formasyn, aiaq kiim men oqý-quraldaryn satyp alýǵa 25,3 mlrd teńge aýdaryldy.
500 myńnan astam balaǵa qoldaý kórsetildi. Onyń ishinde — jetim balalar men ata-anasynyń qamqorlyǵynsyz qalǵandar, az qamtylǵan otbasylardyń balalary, ataýly áleýmettik kómek alýshylar, sondai-aq ómirlik qiyn jaǵdaiǵa tap bolǵan balalar bar.
"Jalpyǵa birdei bilim berý qory jyl saiyn balalardyń jańa oqý jylyna daiyndalýyna kómektesedi. Bul ata-analarǵa balalaryn mektepke daiyndaýǵa múmkindik beredi jáne árbir oqýshy úshin teń múmkindikter jasaidy", — dep atap ótti Oqý-aǵartý ministrligi Balalardyń quqyqtaryn qorǵaý komitetiniń tóraiymy Nasymjan Ospanova.
Biylǵy jyly bir balaǵa beriletin eń tómengi tólem mólsheri 46 228 teńgeni quraidy. Sonymen qatar máslihattardyń sheshimimen keibir óńirlerde joǵaryraq kórsetkishter belgilengen:
Almaty qalasynda — 55 000 teńge,
Jambyl oblysynda — 53 117 teńge,
Pavlodar oblysynda — 53 663 teńge.
Aita keteri, 2023 jyldan beri materialdyq kómektiń kólemi bir balaǵa 17 myńnan 46 myń teńgege deiin 2,5 esege artty.
