Ulttyq ekonomika ministri Álibek Qýantyrov óńirlerdi bólý kezinde biýdjet pen memlekettik apparat qalai qaralatynyn aitty, - dep habarlaidy Tengrinews.kz.
Ministrdiń aitýynsha, qazir komissiia jumys istep jatyr, jańa aimaqtardyń shekarasy men halyq sany naqtylanǵannan keiin óńirler biýdjeti anyqtalady. Bul rette burynnan bar aimaqtar biýdjeti qysqarady, dedi ol.
"Mindetti túrde qysqarady, óitkeni olardyń biýdjeti men shtaty qaita bólinedi. Eger ol jerde shartty túrde jumysshylardyń 30 nemese 40 paiyzy jańa óńirge, mysaly, Ulytaýǵa ketse, tiisinshe, biýdjettiń shamamen 30-40 paiyzy sol jerge ketýi kerek. Iaǵni, qaita bólinedi. Árine, bar biýdjetti qoldaný quptarlyq bolar edi, biraq qosymsha biýdjet qarajatyn qajet etýi múmkin", - dedi Qýantyrov Úkimet otyrysynan keiin jýrnalister suraǵyna jaýap berip.
